بكلمات رومانسية.. أحمد الجنايني يحتفل بعيد ميلاد زوجته منة شلبي

حرص المنتج أحمد الجنايني على تهنئة زوجته الفنانة منة شلبي بعيد ميلادها، والذي تحتفل به اليوم، الجمعة، الموافق 24 يوليو. 

عيد ميلاد منة شلبي 

ووجه أحمد الجنايني رسالة رومانسية لزوجته تعليقًا على صورة جمعتهما، وذلك من خلال حسابه الرسمي عبر موقع تبادل الصور والفيديوهات القصيرة إنستجرام، قال: "كل سنة وانتي طبيعية وعفوية ولذيذة وجميلة زي ما إنتي دايمًا.. إن شاء الله تكون سنة ومليانة سعادة وراحة وضحك ونجاح وكل حاجة نفسك فيها تتحقق.. كل سنة وانتي طيبة يا حبيبتي". 

في سياق آخر، أشاد المنتج أحمد الجنايني بأداء زوجته الفنانة منة شلبي في مسلسل صحاب الأرض، الذي تناول معاناة الفلسطنيين في غزة.

وكتب أحمد الجنايني من خلال حسابه الرسمي عبر موقع التواصل الاجتماعي فيسبوك، قال: مبروك من قلبي، أنا حقيقي فخور بيكي.. اصحاب الأرض مش مجرد مسلسل ده عمل بيحكي قضية مهمة بصدق وشجاعة، عمل هيعيش سنين كتير.

أضاف: مبروك النجاح الكبير و مبروك على الاداء الصادق والقوي، وعلى اختيارك دايمًا للأعمال اللي ليها معنى وتأثير. ربنا جزاكي على قد مجهودك وتعبك، وشكرًا على احترامك وإخلاصك في شغلك. 

تابع: دكتور بيتر إيه الحلاوة والجمال ده. قدرت توصل الإحساس لدرجة إني حسيت إني عايش معاناتهم وصمودهم، وعمر ما كان الإحساس ده هيوصل من غير مخرج وممثلين موهوبين جدًا ومؤمنين بالقضية اللي بيقدموها، وصورة وديكور وملابس خلّونا نحس إننا عايشين معاهم و وموسيقى أكثر من رائعة، وكل ده ما كانش هيحصل من غير إنتاج قوي جدًا واقف ورا مشروع مهم زي ده. 

استكمل: كل الشكر و التقدير لكل صُنّاع هذا العمل على تقديم قصة تستحق أن تُروي.. مبروك.