«أداء صادق وقوي».. أحمد الجنايني يشيد بأداء زوجته منة شلبي في«صحاب الأرض»
أشاد المنتج أحمد الجنايني بأداء زوجته الفنانة منة شلبي في مسلسل صحاب الأرض، الذي يُعرض حاليًا ضمن مسلسلات رمضان 2026، ويتناول معاناة الفلسطنيين في غزة.
أحمد الجنايني يشيد بأداء زوجته منة شلبي في«صحاب الأرض»
وكتب أحمد الجنايني من خلال حسابه الرسمي عبر موقع التواصل الاجتماعي فيسبوك، قال: مبروك من قلبي، أنا حقيقي فخور بيكي.. اصحاب الأرض مش مجرد مسلسل ده عمل بيحكي قضية مهمة بصدق وشجاعة، عمل هيعيش سنين كتير.
أضاف: مبروك النجاح الكبير و مبروك على الاداء الصادق والقوي، وعلى اختيارك دايمًا للأعمال اللي ليها معنى وتأثير. ربنا جزاكي على قد مجهودك وتعبك، وشكرًا على احترامك وإخلاصك في شغلك.
تابع: دكتور بيتر إيه الحلاوة والجمال ده. قدرت توصل الإحساس لدرجة إني حسيت إني عايش معاناتهم وصمودهم، وعمر ما كان الإحساس ده هيوصل من غير مخرج وممثلين موهوبين جدًا ومؤمنين بالقضية اللي بيقدموها، وصورة وديكور وملابس خلّونا نحس إننا عايشين معاهم و وموسيقى أكثر من رائعة، وكل ده ما كانش هيحصل من غير إنتاج قوي جدًا واقف ورا مشروع مهم زي ده.
استكمل: كل الشكر و التقدير لكل صُنّاع هذا العمل على تقديم قصة تستحق أن تُروي.. مبروك.
ويشارك في بطولة المسلسل نخبة من أبرز النجوم العرب والعالميين، وفي مقدمتهم منة شلبي وإياد نصار، وآدم بكري، والممثل الفلسطيني كامل الباشا، إلى جانب التفاوض مع نجمة إنجليزية عالمية، بمشاركة باقة واسعة من الفنانين من مصر والأردن وفلسطين.
