عاجل| مافيش خدمات ولا بحر .. ملاك مشروع فندق العلمين مراسي يشتكون من شركة إعمار مصر

اشتكى عدد من الملاك بمشروع فندق مراسي العلمين من شركة إعمار مصر وعدم الوفاء بوعودها للملاك.

وقال عدد من المتضررين: استغاثة من ملاك فندق العلمين مراسي - إعمار مصر.. احنا 120 مالك متضررين من اعمار مصر في مراسي Al Alamein Hotel - فندق العلمين مراسي.

وتابعوا: مبدأيا المشروع ده احنا اشترينا فيه وحدات serviced وbranded apartments على اساس انها في الhotel نفسه والمفروض بنستمتع بكل خدمات الفندق واولهم البحر مفاجأة مع الاستلام مبدأيا احنا مش في الفندق احنا في عمارة كدة في اوله وممنوع منع بتا نخش الفندق ولا حتى الباركينج، ثانيا مفيش خدمات ولا بحر ولا اي حاجة والعقود ولا ليها لازمة واما اتواصلنا مع الادارة وخدمة العملاء ملخص الكلام ملكمش حاجة عندنا واخبطوا دماغكوا في الحيط واعملوا محاضر وروحوا للقضاء كمان ولا حد هيحل حاجة!

واستطردوا: احنا مش هنسكت وهنجيب حقنا احنا في دولة قانون، واحنا اتجمعنا كلنا وماشين في الاجراءات القانونية، وده تحذير لأي حد بيفكر يشتري مع اعمار ربنا هيجيب حقنا واحنا في بلد قانون والقانون هيجيب حقنا

وليست هذه المشكلة الاولي فقد سبق ، ووجه عدد من الملاك بقرية مراسي الساحل الشمالى Marassi ، تساؤلات واستغاثات لشركة إعمار مصر ،  بسبب تعنت الشركة وتعليماتها وعدم قدرة الملاك على استضافة أهاليهم وأصدقائهم بالرغم من امتلاكهم وحدات بملايين الجنيهات.

وقالت مالكة فى Marassi: كل مالك ليه اتنين كيو ار كود إزاى يعني يعنى بنتى عايزة تجيب صديقتها وانا قبلها اديت كيو ار كود لحد كان بيوصل أثاث للوحدة بتاعتنا علشان يدخل .. واكتشفت ان بنتى عايزة تجيب صديقتها  وعيالها ومش عارفة علشان مالناش غير كيو ار كود واحد بس دلوقتى .. ازاى أكون دافعة فلوس بالملايين فى وحدة وماينفعش نستضيف حد ولا والدتى ولا أعمل حفلة.. احنا دافعين ملايين ومش عارفين نستمتع..مش عارفين ندخل أصحابنا وأهالينا بسبب إجراءات شركة إعمار مصر".

وتواصلت الشكاوى ضد تعليمات شركة إعمار مصر فى قرية مراسي ، فقالت مالكة أخرى: أنا مالكة فى مراسي مارينا 1 وعانيت كتير فبجانب عدم قدرتى على استضافة أي ضيف.. ضيوفى بيرفضوا يجوا عندى بسبب سوء المعاملة وبالتالى أصبحت بقضي الصيف لوحدى فقررت بيع بيتي .. ولما بعت لشركة إعمار فى دبي قالولي هنشوف المشكلة ومحدش رد حتى الان".