بعد حملة الهجوم عليها.. زوجة زيكو توضح حقيقة إساءتها لوالدة زوجها

خرجت زوجه نجم المنتخب المصري زيكو عن صمتها بعد تعرضها للهجوم من جانب الجماهير بعد نشرها فيديو عبر صفحتها الرسمية والتي ربطها البعض بالاساءه إلى والدة زوجها.

زوجة زيكو توضح حقيقة الإساءة لوالدة زوجها  

حيث نشرت زوجة زيكو على صفحتها الرسمية عبر خاصية ستوري: اولاً أنا مش مضطره اطلع ابرر اي حاجه من دي علشان فعلا ربنا الي يعلم ب نيه كل الناس.

وتابعت: بس بجد الناس اخدت الفيديو بتاعي بطريقه وحشه جدا وأنه ع مامت زيكو وان أنا كدا بضايقها ومن ساعتها نازلين فيا شتيمه وأنا أصلا معملتش اي حاجه والله دا كان فيديو عادي مش اكثر من ضحك وهزار بيني أنا وجوزي واصلا مكنتش شوفت حلقه مامته لسه ولا عرفت اي حاجه.

واستكملت: أنا نزلته هزاز علشان الكومنتات بتاعت البنات الي بتجيلي وأنهم بيحبوه ومعجبين بيه وكانت صيغه هزار والله بس مش اكتر ثانيا هي زي امي والي أنا مش هقبله ع امي مش هقبله عليها أصلا وانا بالنسبالي الراجل الي مش بيتقي ربنا ف امه عمره م هيتقي ربنا ف مراته ولا ف أولاده لأني مقتنعه ان مفيش أغلى من الام ف الدنيا.

واختتمت: وانا كمان ام وعيزاه اقول انها عمرها م تتقارن ب حد حتى لو أنا هي ليها مكانتها الخاصه وانا ليا مكانتي.

أزمة زيكو ووالدته 

وقالت والدة زيكو في تصريحات تليفزيونية أن اللاعب لم يصبح يهتم بها منذ سابقا موضحًا أنها أصبحت رقم 2 بعدما كانت رقم 1 وان زوجته هي التي أصبحت رقم 1.

وتابعت أنه وعدها بالذهاب إليها بعد الرجوع من كأس العالم ولكن ذلك لم يحدث.