عاجل| هنشتكيه لمجلس الشيوخ والحزب.. ضحايا "إعمار رزق جروب": جمع مليارات الجنيهات مننا وما استلمناش وحداتنا

واصل ضحايا شركة «إعمار رزق جروب» تصعيدهم ضد الشركة، للمطالبة بحقهم في استلام وحداتهم السكنية بعد مماطلة الشركة واكتشافهم عدم استكمال أعمال البناء في المشروع رغم مرور الموعد المخصص لاستلامهم وحداتهم السكنية.

ضحايا شركة «إعمار رزق جروب» 

وقال ممثلي الملاك المتضررين من مشروع شركة إعمار رزق جروب، لـ" مصر تايمز" ، إحنا 700 مالك  فى مشروع مونوريل تاور فى منطقة الأبراج السياحية بالعاصمة الإدارية الجديدة ، والأعمال متوقفة منذ 4 أشهر ، وتوقفوا عن دفع الفلوس للمقاول فا الأعمال الإنشائية فى مشروع تاور وقفت، متابعا: طالبنا نقابل رجل الأعمال محمد رزق حتى لو عن طريق الزوم ولكن لا حياة لمن تنادي .

وقال : مشكلتنا دلوقتي مع محمد رزق شخصياً  وبيستخدم حصانته وهنتقدم بشكوي فى مجلس الشيوخ وحزب مستقبل وطن ، لأنه واخد فلوسنا بقاله 4 سنين وطالبنا نقابله وروحناله الشركة كذا مرة ورفض يقابلنا واحنا بنطالب بحقنا الشركة باعت 700 وحدة متوسطة الوحدة 3 مليون جنيه يعني هو جمع مليارات الجنيهات من فلوسنا كل شهر ومش عايز يدفع حق المقاول .

وتابع : المشروع اتباع من 4 سنين والمفروض نستلم من  6 شهور وفى الاخر نلاقي إن المشروع لسه على الأرض ، احنا عايزين حد يفهمنا هيحصل إيه ويقعد معانا ويعرفنا هنستلم إمتي .