سمية الخشاب توجه رسالة لطلاب الـ Summer course
وجهت الفنانة سمية الخشاب رسالة لطلاب الـ Summer course عبر حسابها بموقع التواصل الاجتماعي Twitter.
وكتبت سمية الخشاب: "حبايبي اللي في الـ summer course، ميس سمية مش ناسياكم، ذاكروا كويس".
وكانت الفنانة سمية الخشاب قد وجهت رسالة مسبقا لطلاب الثانوية العامة قائلة ،" لو هيكون ليا لقب أحب يكون "بنت البلد"، و بقول لطلبة الثانوية العامة ما تقلقوش وما تخافوش، الثانوية العامة مش نهاية الدنيا واللى مش هينجح في حاجة أكيد موهوب في حاجة تانية ممكن يلاقي نفسه فيها.
و أضافت أقول للأهالى كونوا فخورين بأولادكم ولازم تقفوا جنبهم وتشجعوهم، و جبت فى ثانوية عامة 96% وأكتر مادة كنت بخاف منها هى الجغرافيا وكنت بحب العربي والفرنساوي جدا، و اتعلمت من مدرس الفرنساوي علمنى الدقة في المواعيد .
واختتمت قائلة أنا بساعد طلبة الثانوية العامة على السوشيال ميديا بمنتهى الحب مش عشان التريند، لكن عشان حاسة إني هقدر أفيدهم وعندي حاجة قادرة أقدمها، وبحضر لمسلسل قريب وهيكون حاجة مختلفة جدا إن شاء الله.. وعندي أغنية جديدة هتقلب الدنيا.
