الجمعة 29 مارس 2024 الموافق 19 رمضان 1445
رئيس التحرير
حازم عادل
توك شو

بسمة وهبة: صلاح بيحقق الكبير والصعب.. وده بسبب السحر الحلال اللي في حياته (فيديو)

الأحد 24/أكتوبر/2021 - 09:06 م
محمد صلاح
محمد صلاح

أشادت الإعلامية بسمة وهبة، بأداء النجم المصري محمد صلاح، بعدما قاد فريقه ليفربول للفوز على مضيفه مانشستر يونايتد بنتيجة 5-0، خلال المباراة التي جمعت الفريقين مساء اليوم الأحد على ملعب "أولد ترافورد"، في قمة الجولة التاسعة لمنافسات الدوري الإنجليزي الممتاز، في المباراة التي شهدت تألق محمد صلاح بشكل كبير الذي سجل 3 أهداف (هاتريك) وصنع هدف آخر.

قالت الإعلامية بسمة وهبة، مقدمة برنامجها "90 دقيقة" المذاع على شاشة "المحور": "من ساعة صلاح كتب تاريخ جديد وحطم أرقام قياسية جديدة، والأهم من كل ده انه مستمر في تقديم أفضل أداء ليه في ملاعب إنجلترا، ليفربول بقيادة صلاح النهاردة حققوا نتيجة تاريخية وهزموا مانشيستر يونايتد بقيادة كريستيانو رونالدو، ومش بس كده ده صلاح كتب لنفسه تاريخ جديد وأحرز هاتريك، 3 أهداف بتوقيع صلاح في شباك فريق كبير زى اليونايتد دى حاجة كبيرة مش حاجة بسيطة ولا سهلة، بس هو صلاح كده بيحقق الكبير والصعب.. ودا بسبب السحر الحلال اللى في حياته، ورضا أبوه وأمه".

تابعت: "محمد صلاح بأهدافه في مانشيستر يونايتد النهاردة حطم رقم قياسى جديد وفقا لموقع ترانسفير ماركت، العالمي المتخصص في أرقام وإحصائيات لاعبي كرة القدم، وبقي أكثر لاعب أفريقي تسجيلاً للأهداف في مباريات متتالية داخل أوروبا، طبعا ده غير انه كده خلاص كمان حطم الرقم القياسى بتاع دروجبا وبقى صلاح الأكثر تهديفا، ده غير أن صلاح حطم الرقم القياسي للأسطورة ليفربول ستيفن جيرارد، كأفضل هداف لليفربول في دوري أبطال أوروبا".

استطردت: "من غير زعل بقى، كلمتين ولازم أقولهم، بلاش والنبى الناس بتوع الكورة في مصر اللى بيدوروا على شهرة يستغلوا اسم صلاح في الخناقات والمقارنات بتاعتهم، كفاية استغلال لاسم صلاح، عشان صلاح سبقكم كلكم بسنوات ضوئية، سيبوا صلاح في حاله، سيبوه ينجح ويحقق إنجازات ويرفع اسم مصر للسما قدام العالم كله".