هجوم على الشاعر بهاء الدين محمد بسبب حمو بيكا
الأحد 04/يوليو/2021 - 01:18 م
كشف الشاعر بهاء الدين محمد عن رأيه في مطرب المهرجانات حمو بيكا، مؤكدا أنه من محبيه ويعشق تلقائيته.
وكتب بهاء الدين محمد عبر حسابه على موقع التواصل الاجتماعي "فيس بوك"، "أنا عايز أقولكم وأعترفلكم بحاجه أنا بأحب حمو بيكا جدا بتلقائيته وفنه وكله على بعضه كده وماحدش يضايقه علشان بجد اللى هايضايقه هاضايقه وها يبقى بجد منفسن ونفسيه وغيران منه".
وتابع:" مع احتفاظي باعتراضي على الكلام المرفوض علشان ماحدش يعلق بجهل ويعمل نفسه مش فاهمني".
وتعرض بهاء الدين محمد لانتقادات بسبب رأيه، فقام بتعديل المنشور وإضافة عليه توضيح جديد، وكتب: "واضح إن فيه لجان هاجمه على البوست ومش عاجبهم رأى واحد حر ... وكده بيثبتوا إنه بيتحارب وأنا مااعرفش !!! حتى ف اللون ده نفسنه ولجان والحاجات دي".
وكانت نقابة المهن الموسيقية، قد أصدرت قراراً بوقف إصدار أي تصاريح عمل لمؤدي المهرجانات حمو بيكا، ومنعه من إحياء أي حفلات غنائية في مصر، وذلك لعدم حصوله على تصريح مشتغلين أو منتسب للنقابة.
وتسببت حفلا غنائيا بمارينا 5، في إيقاف حمو بيكا من إحياء الحفلات حيث حضر عدد كبير من زوار الساحل الشمالى، وكان من بين الحضور المطرب شحتة كاريكا.
