تعرف على رد فعل بشرى بشأن "نمبر 2" الفيشاوي .. (فيديو)
الأحد 11/أكتوبر/2020 - 03:43 م
علقت الفنانة والمغنية بشرى حول الأزمة التي اشتعلت مؤخرا على صفحات التواصل الاجتماعي بشأن طرح الفنان أحمد الفيشاوي أغنيته الجديدة "نمبر 2" وقالت :"أنا مش هنصح أحمد الفيشاوي، لأني عارفة أنه محضر للأغنية قبل ما انا أطرح أغنية (كوبرا)، ومرة حكالي عن تقديم أغنية “نمبر 2″ من فترة".
وأضافت بشرى:" أنا مش بنصحه بحاجة يا جماعة، احنا مينفعش ناخد الكلام ده بجد ياجماعة، وده أمر طبيعي وبيحصل فى أورابا، النجوم بيغنوا ويردوا على بعض، وبقولها تاني محدش يفكر ينزل مع محمد رمضان عشان يغلبه فى تريند يبقا غلطان".
تابعت بشرى قائله :" اللى نازل فاكر أنه هيغلب محمد رمضان فى التيرند يبقي غلطان، وأحمد الفيشاوي بردو خارج الصندوق، وطول عمر أحمد بيعمل اللى فى دماغة، ومن أوئل الناس اللى بتقدم الراب، هو وأحمد مكي أكتر اتنين عملو افلام خارج الصندوق، وانا اعتقد أن أحمد الفيشاوي الناس بتنبسط من الي بيعمله، لكن فى النهاية ده فن وأحنا بنرد على الفن بـ فن".
من جانبه كشف الفنان أحمد الفيشاوي، تفاصيل جديدة مثيرة للجدل حول أغنيته "نمبر2" والتي يستعد لطرحها خلال الأيام المقبلة، وقال في تصريحات تلفزيونية :" البوستر ده البداية ، وهنبدأ تصوير الكليب خلال الأسبوع الجارى، لطرح الأغنية خلال 15 أو 20 يوم بالظبط" .
وأضاف :" الأغنية هتقول كتير، والموضوع موجود من زمان الحرب على المطربين بالراب".
وكانت أزمة قد اشتعلت مؤخرا بين الفيشاوي ورمضان، بعد إعلان الأول عن تقديم أغنية "نمبر2" للرد على أغنية "نمبر 1".
وتبادل الأثنين تعليقات في شكل تلميحات غير مباشرة، استمرت إلي أن قال الفيشاوي في تصريحات تلفزيونية :" بما إن الموضوع اشتهر وانتشر بشكل مش طبيعي على السوشيال ميديا أنا بس عايز أقول إن رمضان رد على أغنية لسه ما نزلتش فواضح إن الوقت بيجري منه تيك توك تيك توك"، بينما قال رمضان خلال برومو أغنية له والذي يظهر فيه بداخل دبابة :" واخد قراري ولازم أكسب أي فورة مع اعتذاري للفيشاوي آخره معايا صورة".
وعلى جانب آخر، كان خلاف بين رمضان وبشرى قد نشب فى الشابق حين طرحت بشري أغنية "كوبرا"، والتي تحمل انتقادات لرمضان على أغنيته " الملك"، التي طرحها في أغسطس 2018.
وأنتهي الخلاف بينهم بعد تدخل رجل الأعمال نجيب سويرس، والذي نجح في حل الخلاف بينهم في مايو 2019 أثناء حضورهم مهرجان كان السينيمائي في دورته الـ 72.
