محمد كامل: «فيه مؤسسات في الدولة واقفة معانا والناس دي مينفعش مشكرهاش»

قدم محمد كامل، رئيس شركة القلعة الحمراء، الشكر لكلا من وزارة الداخلية وزارة الدفاع ووزارة الإسكان على مساعدة النادي الأهلي في صدور التراخيص الخاصة بإنشاء ستاد النادي الجديد بالشيخ زايد.

محمد كامل: فيه مؤسسات في الدولة واقفة معانا

وقال محمد كامل، خلال إطلاق أكبر عقد رعاية في تاريخ الأهلي: «القلعة الحمراء مش هي اللي بتبني استاد الأهلي فيه مؤسسات في الدولة واقفة معانا»

وزاد: « وزارة الدفاع لما تقعد 18 سنة عشان تطلع رخص وتطلعلك رخصة تعلية وتقف جنبك في التعدين والحفر، الداخلية بعتتلنا جواب قالولنا تعالوا الساعة 10 وكنا مستنيين ناخد فايل فيه شوية طلبات، فجأة يقابلك مساعد الوزير للأمن شخصية غاية في الإحترام وبعد كده  تلاقي لجنة معمولة عشان تصاريح وتراخيص وإنشاءات بقيادة العمليات في وزارة الداخلية».

واختتم حديثة قائلاً: « الناس دي مينفعش مشكرهاش مؤسسات الدولة وقفت معانا وزارة الاسكان سهلت لنا كل التفاصيل حسب القانون واللوائح».

انطلق حفل إطلاق أكبر عقد رعاية في تاريخ الأهلي بحضور نجوم الرياضة بالفريق السابقين والحاليين وكبار المسئولين بشركتي فودافون والمتحدة للرياضة.

يأتي هذا العقد في إطار الشراكة الناجحة بين النادي الأهلي والشركة المتحدة للرياضة؛ خلال السنوات الماضية، والتي نجحت فيها الشركة المتحدة للخدمات الإعلامية في تعظيم عوائد الرياضة في مصر، بعدما بذلت قصارى جهودها في دعم منظومة الرياضة المصرية على كافة الأصعدة المحلية، مرورا بتطوير أدوات التسويق والقطاعات التجارية للرياضات المختلفة، داعمة ذلك كله بتغطيات إعلامية شهد الجميع بتفوقها.