كفاية احتفالات.. نجوم الفن والكرة: طموحنا أكبر من دور الـ 16
عبر نجوم الفن والكرة عن استغرابهم من احتفالات منتخب مصر المبالغ فيها، وخاصة حفل ستاد القاهرة الذي أقيم أمس، وذلك عقب الخروج من دور ال16 أمام الأرجنتين في كأس العالم 2026، المقام في الولايات المتحدة الأمريكية وكندا والمكسيك.
أحمد السعدني يتساءل
وكتب أحمد السعدني من خلال حسابه على موقع التواصل الاجتماعي فيسبوك قائلا: يا جماعه احنا حسينا بكل المشاعر فرحنا و زعلنا و حسينا بالفخر و الظلم و كل حاجة حلوه و وحشة و الرجالة رجعت و الريس كرمهم و لفوا علي كل البرامج كل ده تمام، حفلة في الستاد !!؟ بجد !؟ ارجوكوا الغوها والله مش بهزر الدنيا بتمسخ جامد حد يلحقنا.
عمرو ياسين: كفاية
وقال عمرو محمود ياسين معلقًا: في بعض الناس واغلبهم سيدات زعلانين ان في أراء بتقول كفاية احتفالات، احب اوضح لهم يا حبايب ويا اخواتنا لما بنقول كفاية لحد كده مش عشان مش عايزين الناس تفرح ولا مستخسرين الفرحة، لكن انا ببص لها ان منتخب مصر منتخب كبير و عظيم، و صاحب تاريخ مهم، ماحبش صورته تبقى اني انا عامل احتفالات الف ليلة و ليلة عشان وصلت الدور ال16 فقط، احنا عملنا استقبال جميل عند وصولهم و استقبال مع الرئيس و استقبال في الاستاد، خلاص كفاية لحد كده، احنا طموحاتنا للمنتخب المصري اكبر من كده ان شاء الله، فا نفسي نكتفي بالقدر ده طالما الدولة و الشعب احتفلوا بالمنتخب تكون ليلة الاستاد دي هي الاخيرة، و ده اللي انا قلته، في ناس فهمت و في ناس مش فاهمه المقصود، و بيحسبوها حسابات غريبة .
طه دسوقي: شيء مؤسف
وكتب طه دسوقي عبر حسابه على Facebook:" شيء مؤسف جدا والله ومحزن ومخزي يعني لو هتستضيف لاعب اعمل حوار معاه اسأله عن شاف ايه كويس وايه محتاج يتغير هتستضيف المدير الفني للمنتخب و المدرب اعمل حوار معاه يليق بالإنجاز اللي حققه .. اسأله عن الحاجات اللي ممكن تسهل عليه شغله خطته إيه للي جاي".
وتابع طه دسوقي: ".إنما طبعا ملحقناش نكتب اسئلة وهنقضيها لذاذة وحصل ولا محصلش وكله عايز يلحق الترند و بقينا عايشين في طشة ملوخية كبيرة من اللي بيتعملها زفة دي".
محمد سعد ينتقد
وسخر الممثل محمد سعد عبر صفحته الرسمية بموقع فيسبوك من الاحتفالات المتكررة بلاعبي الفراعنة بعد المشاركة في كأس العالم رغم أن كل المنتخبات لم تقم بهذه الاحتفالات.
رسالة إكرامي الشحات
وطالب إكرامي الشحات حارس مرمى منتخب مصر الأسبق اتحاد الكرة بإيقاف الاحتفالات بعد نهاية المشاركة المونديالية مؤكداً أن ما حدث كان كافياً ويجب التفكير فيما هو قادم.
