تصريحات مثيرة للجدل من لما جبريل: "مش كل زواج لازم ييجي منه أطفال"
علّقت الإعلامية لما جبريل على واقعة قيام سيدة باصطحاب أطفالها إلى المقابر والدعاء على والدهم وهو ما زال على قيد الحياة، بسبب خلافات أسرية ومادية، معتبرة أن هذا السلوك غير مقبول وله تأثير سلبي على الأطفال.
تصريحات مثيرة للجدل من لما جبريل: “مش كل زواج لازم ييجي منه أطفال”
خلال فقرتها ببرنامج "الحكاية" مع الإعلامي عمرو أديب، قالت لما جبريل: «مش لازم كل الناس اللي بتتجوز تخلف، ولو مش هنراعي ربنا فيهم يبقى بلاش، ومينفعش بعد ما نخلف ناخد العيال المقابر ونوريهم قبر ونقولهم ده بابا، هنقولهم ادعوا عليه؟».
وأضافت: «الراجل عايش، والعذر أقبح من ذنب، ولما الأم تقول إن الأب متوفي وهو في الحقيقة شغال بره مصر وبيقبض 80 ألف، وبعدين يطلع ينفي الكلام، يبقى في أزمة كبيرة».
وتابعت: «لما الأم توصل لمرحلة إنها تحرم الأطفال من الحقيقة عن والدهم، ده ظلم كبير وضرر مباشر للطفولة، ولازم يبقى في وعي مجتمعي بالتعامل مع المواقف دي».
كما تطرقت لما جبريل إلى الجدل حول فتاة الحج وطريقتها في التعبير بأسلوب الجيل الجديد (Gen Z)، مشيرة إلى أن الهجوم الذي تعرضت له كان مبالغًا فيه.
وقالت: «البنت قالت الحج محتاج ماركتنج والدنيا قامت عليها، لكن ده أسلوب جيلها وطريقة تفكيرهم في الشغل والحياة».
واختتمت حديثها بالتأكيد على أن السوشيال ميديا أصبحت سببًا في تقارب الطبقات بشكل كبير، قائلة: «بقينا بنشوف أي حد بيتكلم بطريقة مختلفة كأنه غريب، رغم إنه بيخاطب جيله فقط».
