محمد سليمان: لا إكراه في الدين.. وزوجتي اعتنقت الإسلام عن اقتناع
كشف الفنان محمد سليمان عن كواليس زواجه من سيدة مسيحية، مشيرًا إلى أنها اعتنقت الدين الإسلامي عن اقتناع بعد زواجهما.
محمد سليمان يكشف كواليس زواجه من سيدة مسيحية
وقال محمد سليمان في تصريحات تلفزيونية: مفيش إكراه في الدين، احنا اتجوزنا وهي مسيحية وأنا مسلم، وابتديت أشرح لها ديني وعاداتي، هي كانت بتسأل وأنا بجاوب، ومع الوقت هي حبت الثقافة بتاعتنا واعتنقت الإسلام عن اقتناع مش عشان ورق وشهر عقاري.
أضاف: الست هي الست بس الفرق في النظام، الست الأوروبية منظمة جدًا وماشية بجدول، المصرية ساعات بتمشي بالبركة والدنيا بتبقى ملخبطة شوية، التعليم في أوروبا بيطلع الشباب عندهم مسؤولية من صغرهم، لما يقولوا كلمة بينفذوها.
تابع: أنا مسلم وبنتي مسلمة، ليه الناس فاكرة إن الفنان وعيلته لازم يكونوا مش متدينين؟ ومع ذلك، الحجاب كان قرار بنتي الشخصي 100%، أنا فرحت طبعًا، بس قلت لها لو لبستيه مينفعش تقلعيه، لأن التردد بيكسر الشخصية، بنتي التانية مش محجبة بس بتصلي وصايمة وملتزمة جدًا.
كما تحدث عن القايمة، وقال: أخدت جنيه واحد مهر من زوج بنتي، المهر المليون جنيه مش هيضمن إن اللي داخل ده ابن ناس، أنا أخدت جنيه واحد مهر واشتريت راجل، والقايمة دي أسوأ حاجة في المجتمع المصري، بقت بيزنس عشان نحبس الرجالة على كلام فارغ، الرسول عليه الصلاة والسلام معملش قايمة، واللي يضمن إنها تنقي راجل صح، راجل يعرف ربنا ومثقف ومحترم.
أختتم: الأهل بيتسرعوا في الجواز عشان خايفين البنت تبـور، لكن لازم نغير الثقافة دي ونربي أولادنا على المسؤولية من صغرهم.
