حسام الشاعر: أغلب أفكار حبيبة موافق عليها مع متابعة التكلفة
قالت حبيبة الشاعر، نائب رئيس مجلس إدارة شركة صن رايز للمنتجعات السياحية والفنادق والمسؤولة عن قطاع الفنادق بالشركة، إن تركيزها داخل المجموعة كان على قسم الضيافة بشكل كامل، مشيرة إلى أنها عملت على جميع جوانب الفندق من تجربة النزلاء إلى العمليات والتصميم. وأضافت: «لأ أنا يعني وهو حطني في الحتة دي أكتر، يعني هي سياحة وضيافة بس أنا اتحطيت في حتة الضيافة نفسه، من أول التجربة اللي جوه الأوتيلات والعمليات والتصميم».
وتطرقت حبيبة إلى أول مشروع شبابي قادته بنفسها في لقاء مع الإعلامية لميس الحديدي، مقدمة برنامج "رحلة المليار" عبر قناة "النهار"، وقالت: «ده أول حاجة عملتها، كان عندي 23 سنة، كنت بعمل التوجيه والتدريب في الأوتيلات ولقيت أوتيل كان وحش أوي، كان مقسوم أوتيلين حاجة ثلاث نجوم وما كانش بيتباع بـ11 دولار للشخص. فقلت له أنا عندي فكرة للأوتيل ده ممكن أشتغل عليها».
وأوضحت أن المشروع كان فريدًا من نوعه، حيث تم تحويل الفندق إلى فندق للبالغين فقط لاستهداف الشباب، وأضافت: «مش حاجة فخمة بس حاجة أسلوب حياة وحاجة مختلفة وكده. أنا فاكرة ساعتها الناس قالوا له إنت إيه اللي إنت بتعمله ده في الغردقة؟ ما تحط كام حديقة مائية وخلاص الموضوع».
من جانبه، أوضح حسام الشاعر، رئيس مجلس إدارة المجموعة، أن المشروع نجح تجاريًا، مؤكدًا: «لأ كسب جدًا».
وأضاف حول مدى موافقته على أفكار ابنته: «لغاية 99% لغاية دلوقتي موافق، هي ما شاء الله أفكارها حلوة ومتعلمة كويس فأغلب الأفكار أنا موافق عليها، ماعدا لما يكون في مبالغة شوية في التكلفة».
وأكدت حبيبة الشاعر أن الدعم الذي تلقته كان عاملًا مهمًا في نجاح المشروع: «هو الصراحة الدعم اللي ادهوني ساعتها، أنا طفلة عندي 23 سنة عاملة فكرة وأوتيل وتصميم، وجاله ساعتها مشغل سياحة قاله إحنا هناخد الفندق ده واديك عربون، يعني سماع كلام طفلة عندها 23 سنة لسه بتجرب حاجة، وهو دعمني والحمد لله الأوتيل ده ما كسفتوش».
