عاطف واصف: عندنا مصنع في حارة اليهود لحد دلوقتي موجود
تحدث عاطف واصف رئيس مجلس إدارة شركة واصف للفضيات، عن وضع صناعة الفضة في مصر، موضحاً أن لديهم مصنعاً قائماً حتى الآن في حارة اليهود، قائلاً: "عندنا مصنع في حارة اليهود لحد دلوقتي موجود، والصنّايعية لسه موجودين بس خفوا واللي مات مات".
وأشار إلى أن الجيل الجديد من الصنايعية لم يعد يتمتع بمهارة الجيل السابق: "الصنايعية مبقوش شطار زي زمان، الجيل اللي هيجي بعدك هيقول أنا وحلوين ومش عارف إيه".
وأضاف في لقاء مع الإعلامية لميس الحديدي مقدمة برنامج "رحلة المليار"، عبر قناة "النهار"، العديد من الشخصيات البارزة في المجتمع كانت تمتلك قطعاً مميزة من الفضة من صنع المصنع، مشيراً إلى سامية الأتربي: "أنا كانت صاحبتي أحلى كوليكشن فضة وكانت بتلبس من عندي سامية الأتربي.. الله يرحمها كانت ست عظيمة".
وتطرق واصف إلى التحوّل الكبير في قيمة الفضة، قائلاً إن الاستثمار في الفضة أصبح حديث السوق حديثاً: "الفضة ولعت، إيه اللي حصل للفضة إنها بقت استثمار مهم جداً؟.. دا جديد على مصر بصراحة".
وأوضح أن التغيرات التكنولوجية والابتكارات الحديثة، مثل استخدام الفضة في الإلكترونيات والسيارات والذكاء الاصطناعي، ساهمت في رفع أهميتها عالمياً: "اللي ولع الدنيا التليفون والحاجات اللي طالعة جديدة والستات طول النهار والليل والرجالة عمالة تبص.. الفضة، الفضة.. الصين دخلت الفضة في العربيات، الصين دخلت الفضة في الذكاء الاصطناعي".
