قصة «وننسى اللي كان» عن أحمد العوضي.. عمرو محمود ياسين يوضح
حسم السيناريست عمرو محمود ياسين الجدل الدائر حول قصة مسلسل وننسى اللي كان، التي تم تداولها خلال الساعات القليلة الماضية، حيث شبه البعض القصة بـ قصة حياة الفنانة ياسمين عبد العزيز، وذلك بعدما كُشف أن طليقها في العمل يقوم بحملات لـ تشوية صورتها، وهذا ما حدث معها بالفعل في الحقيقة.
عمرو محمود ياسين يحسم الجدل حول قصة مسلسل وننسى اللي كان
وكتب عمرو محمود ياسين من خلال حسابه الرسمي عبر موقع التواصل الاجتماعي فيسبوك، قال: «بقرا كتير بوستات وتعليقات عبيطة وبضحك من سذاجة المكتوب.. كلمتين هقولهم.. عمر ما حصل و لاهيحصل اني اكتب الدراما بتاعتي لخدمة أهداف محددة.. لا حصل ولا هايحصل ولا عمر ده اتطلب مني اصلا.. انا بحترم مهنتي جدا وصوتي من دماغي».
أضاف: «انا مؤلف بيحضر تصوير كل شوت في مسلسله عشان اضمن دايما ان النص بتاعي بيسير في الاتجاه اللي انا مقتنع بيه.. و بقف على الكلمة والحرف و كل اللي اشتغلوا معايا عارفين الكلام ده».
تابع: «يعني قصة اي مسلسل هي قراري واختياري..عنوان المسلسل.. اسماء الشخصيات كل حرف وكلمة هو ملكي ومسؤوليتي ..وفي نفس الوقت بيتم في إطار شغل جماعي واحترام متبادل بيني وبين كل عناصر العمل».
استكمل: «لكن اي بقى تفصيلة تتشابه او تتقاطع مع اي شخصية في الحياة فده أمر وارد. .لأن أي مؤلف في الدنيا ينهل من وعاء الحياة والمجتمع اللي عايش فيه».
أختتم: «فا كفايه افتراضات ساذجة.. والحمدلله اني بشتغل دايما مع فنانين و نجوم محترمين اقدر حجمهم و بيقدروا دوري و شغلي.. واشوفكم قريبا في رمضان ان شاء الله».
