محمد صلاح يوجّه رسائل إلهام للشباب ويتحدث عن دور الأسرة في صنع الحلم

حرص محمد صلاح، قائد منتخب مصر ونجم ليفربول، على تقديم مجموعة من النصائح للأجيال الجديدة، مستعرضًا خلاصة رحلته في طريق النجاح ليكون مصدر إلهام للشباب.

وقال صلاح في تصريحاته لقناة "أون سبورت": “النصيحة إنك تكون مؤمن بالحاجة اللي بتعملها، سواء كنت صغير أو مش شايف الصورة كاملة. لو ماعندكش الرؤية والثقة، مش هتوصل للي نفسك فيه. الإيمان والثقة هما أهم حاجتين عشان تحقق أي حاجة”.

وأضاف: “كنت دايمًا حاسس إني هوصل، حتى لو مش عارف إزاي. كنت مؤمن ومقتنع إني هكسب وأوصل للهدف. نقطة الإيمان إنك شايف نفسك بتنجح قبل ما يحصل فعلاً، ودي حاجة مهمة جدًا للناس”.

دور الأسرة في توجيه أحلام الأطفال

وتحدّث صلاح عن دور الأب والأم في تشكيل حلم أبنائهم قائلاً: “الأهل دايمًا عايزين يشوفوا ابنهم لاعب كرة. أنا حاولت أخلي بنتي تلعب تنس، لكن هي ماحبتش. حياتها هي اللي تحددها، وأنا دوري بس إني أوجّه وأنور الطريق وأسيبها تختار. لو الطفل عمل حاجة علشان الأب عايز، مش هيحبها”.

وفي ختام الحلقة التي جمعته مع السير مجدي يعقوب، عبّر صلاح عن سعادته بالحوار قائلاً: “سعيد بوجودي مع الدكتور مجدي يعقوب، وأتمنى نلتقي مرات أخرى. فخور بالمشاركة في حلقة معاه”.