شيكابالا يدعو للروح الرياضية وحماية اللاعبين من الضغط الجماهيري
أكد محمود عبد الرازق شيكابالا، نجم الزمالك السابق، على أهمية تنظيم مباريات خيرية بين الأندية الكبرى مثل الأهلي والزمالك، بحيث تذهب إيراداتها لدعم اللاعبين الرياضيين، مشددًا على ضرورة تهدئة الأجواء بين جماهير الأندية.
وخلال ظهوره في برنامج الكورة مع فايق على قناة MBC مصر، قال:
"نفسي أشوف مباريات خيرية بين الأهلي والزمالك والإيرادات تروح لدعم الرياضيين، وكمان نفسي الأهلي يلعب مع المصري والزمالك مع الإسماعيلي والدنيا تصفى."
كما حذر شيكابالا الجماهير من الشتائم الموجهة للاعبين وأسرهم، مؤكدًا أن التشجيع يجب أن يحترم الإنسان:"إنت النهاردة بتشتم لاعب بأمه ومراته هتستفاد إيه؟ ممكن بكرة مش تلاقيه موجود، اللاعب ليه أهل، وإحنا بنشجع لازم نفهم دا. بلاش ندوس على الحتة المكسورة."
ونتقل حديثه إلى ملف دعم اللاعبين، منتقدًا الاهتمام المتأخر بعد وقوع أزمات أو حالات وفاة، مستشهدًا بحالات محمد صبري وأحمد رفعت:
"الدنيا مش مستاهلة اللي بنعمله ، نقعد شهر أو اتنين نتكلم عن محمد صبري وبعدين كله بينسى ، فيه لاعيبة في الدرجات التانية والتالتة والرابعة محدش يعرفهم.. لو حصل لهم ظرف زي ده أسرتهم هتعيش إزاي؟".
وأضاف شيكابالا:"بعد أحمد رفعت اتكلمنا شهر واتنين.. حد اتعاقب؟ حد عمل حاجة؟ لاء، بنستنى الناس تتوفى ونتكلم عنهم حلو. طيب ليه ما بياخدوش حقهم وهما عايشين؟ يا رب يكون درس".
واختتم نجم الزمالك السابق حديثه بالتأكيد على أن الرياضة ليست فقط للنتائج والألقاب، بل تحمل أيضًا مسؤولية إنسانية تجاه اللاعبين، وحماية لمصالحهم وحياتهم خارج الملعب.
