عمر كمال يوجه رسالة مؤثرة لـ محمد فؤاد (صورة)

وجه المطرب عمر كمال رسالة مؤثرة للمطرب محمد فؤاد، عبر فيها عن تقديره له، كما كشف  فيها عن إعجابه وحبه لاغانية لأكثر من ثلاثين عاماً .

وقال عمر كمال عبر حسابه الرسمي "فيس بوك"" أنت استاذى وحبيبى … وانا مش انجح منك ع اليوتيوب ولا انجح منك ف اى حتة ، انا مجيش اغنية جوه ألبوم من ألبوماتك".

وتابع "انت الوحيد اللى عارف أنا بحبك وبحترمك ازاى … عندى 36 سنة .. منهم 30 سنة بحبك وبلف وراك حفلاتك في بلاد ربنا وكنت فعلا بروحلك عند الاستديو وبيتك وانا سني 14 سنة ".

وأضاف" كنت استنى لحد الفجر عند محلات الكاسيت استنى شريطك ينزل عشان اشترى نسخة شريطك الماستر اللى محفور عليه اسم شركة الانتاج عشان احس انى ساهمت ف نجاحك ف كتر المبيعات ".

وأختتم " صوتك كان بياخدلى حقى من الدنيا .. كان بياخدلى حقى من اللى سابتنى .. وكان ونسى ف خدمتى فى الجيش .. وكان معايا ف كل مراحل حياتى".

الجدير بالذكر أن كان الوسط الفني قد شهد مؤخرًا أزمة بعد تسريب ثلاث أغنيات بصوت محمد فؤاد من الألبوم، وهي: "حليم"، "يا صاحبتي"، و"هيفضل حبيبي"، ما أثار جدلًا واسعًا حول مصدر التسريب وحقوق الملكية.

من جانبه، أكد الشاعر تامر حسين أنه لا خلاف شخصي بينه وبين فؤاد، لكن غضبه جاء بسبب الضرر الناتج عن التسريب، مشددًا على احترامه الكبير له.

أما الملحن مدين فأعرب عن استيائه من تسريب أغنيتين من ألحانه، موضحًا أن ما حدث تم دون علم أي من المشاركين، وتسبب في ضرر كبير لجميع الأطراف.