سوسن بدر توضح أسباب عدم رغبتها في إخفاء ملامح تقدمها في العمر

قالت الفنانة القديرة سوسن بدر أنها لا ترغب في إزالة أو تغيير ملامح السنين من وجهها، وأنها سعيدة بذلك.

وتابعت خلال  لقاء  عبر  برنامج  " كلمة أخيرة" و الذي تقدمه  الإعلامية لميس الحديدي على شاشة  ON:" أنا خلاص كنت صغيرة  وما صدقت خلصت الفترة دي ومبسوطة أوي بالرمحلة الحالية لأننا كبرنا وفهمنا وعقلنا وبقينا متقلبين  الحياة والدنيا. ".
ورداً على سؤال الحديدي، مع تقدم السن هل ماينفعش نحب أو نتجوز ؟، لترد قائلة: " مين اللي قال؟  اللي عايز يعمل حاجه  يعملها ما دام مش ضد العرف ولا الأخلاق  ولا المجتمع أو الدين ماعيب إلا العيب ".
وعن رأيها في أحكام الناس ؟،  أجابت قائلة : " الناس مش هتبطل كده كده ..  وأنا صغيرة كنت بخاف للغاية من المجتمع وكنت حريصة  جدا بقدر الإمكان  أن أظل  محافظة على التقاليد  والأعراف حتى لو مش مقتنعه بها  علشان أهلي وابويا  والمجتمع وولادي لكن مع الوقت عرفت  أن التقدم في العمر والسن حرية وبراح وساعتها بنسأل، ليه كنا بنعمل كل ده ؟  لا يصح إلا الصحيح، محدش هيفضل طول الوقت عاجب كل الناس ولا كل الناس هتتفق عليه. "

وعن أهم ما منحه لها التقدم في السن  قالت،"  خبرة ونضج وحرية وبراح وسعادة وكل حاجة  أنا في منتهي السعادة .. حتى ملامحي   بحبها   طلعلي خطوط وماله قمر برضه. ".

ووجهت رساله للسيدات اللاتي يخشين من خطوط وتجاعيد التقدم في السن.. والانتقادات التي يوجهها بعض الرجال للسيدات، قائلة : ":  يعني الست بتكبر لوحدها وهو مش بيكبر؟ ماكلنا بنكبر سوا  والمفروض نعقل سوا ونضج سوا، الفرق أن الست بتنضج  من سن أصغر أسرع من الراجل  بيكون وقتها لسه بيلعب كورة في الشارع ".