ياسمين عبد العزيز عن العوضى باكية: أنا مش بحب أحمد أنا بعشقه
تحدثت ياسمين عبد العزيز باكية عن علاقتها بأحمد العوضي: "أنا مش بحب أحمد أنا بعشقه"، لتعاتب إسعاد يونس: انتى جيبانى عشان أعيط وبتضحكى عليا بحاجات بتوجعنى، ومش عارفة أنا بقيت رقيقة كده ليه مكنتش كده والله".
ياسمين عبد العزيز عن العوضى باكية: أنا مش بحب أحمد أنا بعشقه
وحلت النجمة ياسمين عبد العزيز، ضيفة في برنامج "صاحبة السعادة" المذاع على قناة Dmc، التي تقدمه الفنانة والإعلامية إسعاد يونس، وقالت خلال الحلقة، عن والديها وعن بدايتها في الإعلانات: "والدى ووالدتى كانوا منفصلين من وأنا عندى 9 سنين، ولما دخلت الإعلانات كان عندى هدف إنى أكون مسؤولة عن نفسى وإنى أكسب فلوس".
وأضافت ياسمين عبد العزيز: "كنت مركزة في راسى إنى عاوزة أبقى حاجة ويكون معايا فلوس وناجحة، ولما دخلت في شغل الإعلانات وأنا عندى 12 سنة، امى كانت بتيجى معايا التصوير، وأنا اللى كنت بأتفق على كل حاجة وعلى الفلوس، وأنا اللى بقول هعمل إعلان إيه بالظبط".
وعن بدايتها في الإعلانات قائلة: "بدأت الإعلانات وكان عندى 12 سنة، وكنت بحب أتفرج على الإعلانات وأتفرج على البنات وكنت أقعد أقلدهم وأعمل زيهم، ودايما في حاجة لما يكون نفسك في حاجة بتخيل نفسى في الحاجة اللى عوزاها".
وتابعت ياسمين عبد العزيز: "سبحان الله كان في صديقة لوالدتى اسمها دينا بتشتغل في شركة إعلانات، وكانت هي سبب بعد ربنا في بدايتى في الإعلانات، لأنها لما شافتنى عرضت عليا إنى أعمل إعلانات فقلت لها آه طبعا، امى كانت موافقة لكن والدى واخويا الكبير مكانوش موافقين.
