عصام شكري: النقابة مش شغلتها تجيب شغل للفنانين.. ودول البلوجرز التمثيل بيعمل لغط على الممثلين
كشف الفنان عصام شكري، عن رأيه في ظاهرة دخول البلوجرز مجال التمثيل، بجانب الحديث عن دور نقابة المهن التمثيلية في إيجاد عملًا للفنانين.
عصام شكري: النقابة مش شغلتها تجيب شغل للفنانين.. ودول البلوجرز التمثيل بيعمل لغط على الممثلين
وقال عصام شكري، في تصريحات تليفزيونية: أنا مؤمن أن النقابة مش شغلتها تجيب شغل للفنانين، هي معمولة للحفاظ على حقوق الفنانين، بجانب حاجات كتير بيعملها الدكتور أشرف زكي زي العلاج ودار المسنين، وهو حد مجتهد جدًا في الموضوع ده، وكان عامل اجتماع مع أصحاب مكاتب الكاستينج وكان مستاء أنهم بيجيبوا ناس من خريجي معهد السينما أو طلاب، وقال الناس دي لازم تشتغل حتى قانونًا.
وتابع في ناس شالت الموضوع على كتافها علشان هما كويسين والنقاد أشادوا بيهم، أنا كنت من أكثر الناس حظًا أني اشتغلت مع فنانين كبار في الزمن ده، وكانوا بيعلمونا بشكل غير مباشر، واللي موجود دلوقتي لازم يحصل هذا الدمج لأني مش هعمل طول عمري الولد الصغير الرومانسي والشقي، أنا بكبر في السن وهيجيلي أدوار تانية تتناسب مع شكلي وسني.
وعن علاقته بزملائه في الوسط الفني: علاقاتي بالناس كويسة جدًا، وإحنا ممكن نقعد 10 سنين منشوفش بعض، ويكفيني لما نتقابل نتقابل بشكل طيب، لأن المهن متعبة ومرهقة جدًا، وأنا مبحبش تبقى العلاقات شغل وبس، العلاقات الإنسانية عندي في الدرجة الأولى، وأنا على تواصل بفنانيين كتير دلوقتي.
أما عن رأيه في دخول البلوجرز مجال التمثيل، فقال عصام شكري: أنا مش ضد الموهبة، لو موهوب أهلًا وسهلًا بيه، لو مش موهوب مش هينفع، والناس بقى عندها وعي مين اللي بتشوفه وهل موهوب ولا لأ، واللي بيضاقني أن المخرجين بيستعينوا بالبلوجر وهو مش موهو ويفرضه علينا ويصدق نفسه أنه محصلش، وإحنا في عرض أي حد موهوب.
وأضاف: العناصر اللي مش موهوبة بتعمل إزعاج ولغط على الممثلين اللي موجودين، وأنت كده أذيت ناس تانية، خلي الصورة تبقى واضحة وأنا بشوف شباب على التيك توك موهوبين وبقولهم ده، وأنا مش متعصب أوي ومش لازم اللي يشتغل يبقى خريج معهد السينما.
