دومينيك حوراني لـ"مصر تايمز": لم أتجاهل القضية الفلسطينية ومحدش يستفزني.. أنا كنت بضحك وقت تفجير لبنان.. في مذيعات معقدين نفسيا زي اللي بتطلع تشتم في الستات
بين الغناء والتمثيل، استطاعت النجمة اللبنانية دومينيك حوراني أن تكون واحدة من الفنانات التي لها مذاق خاص على الساحة، وتكون من أهم الفنانات في الوطن العربي.
وعلقت الفنانة اللبنانية دومينيك حوراني في تصريحات لـ “مصر تايمز” على الانتقادات الموجهة إليها بسبب عدم حديثها عن القضية الفلسطينية، ونشر صورها الخاصة وتجاهلها القضية لوقت ما، كما كشفت عن رأيها في صفات الرجل المصري وسبب غيابها عن الأعمال الدرامية.
في البداية.. حدثينا عن دعمك للقضية الفلسطينية؟
أنا إتكلمت عنها على السوشيال ميديا، وإحنا حاملين القضية الفلسطينية من 100 سنة وإحنا أكبر ضحايا وأنا نفسي كنت ضحية عايشة في تفجير لبنان وشهادتي مجروحة فا محدش يستفزني لأني طالعة من التفجير الضحية العايشة.
ما ردك على الأشخاص الذين ينتقدوكي طوال الوقت؟
على قد ما فيه ناس بتهاجمني فيه ناس بتحبني وبتابعني الحمد لله على متابعة الناس وأنا بحب أرفه عن الناس حتى في أصعب الأوقات وإن إحنا مش هنضعف مهما حصل وأنا كنت موجودة تلات مرات في تفجير وما زلت على قيد الحياة ولسه بضحك
ما شعورك عندما تشاهدي فيديوهات لضحايا غزة؟
هنفضل زعلانين على الأطفال اللي ماتت والشهداء والشعب الجبان هو اللي بيموت الأطفال والضحايا الأبرياء اللي ما لهمش ذنب ومش المفروض نكون ضحايا لسياسات عالمية بعد كدا والمفروض كلنا نقف متضامنين للحصول على أراضينا العربية كلها
أضافت:" أنا ممكن أقابل الموضوع بمجهود شخصي وأساعد الناس وأقابل الموضوع بضحكة وأرفه عن الناس مش لازم يعني أفضل أبكي طول الوقت، يعني ساعة تفجير لبنان كنت بضحك لأن الضحك طريقة للتعبير عن الزعل.
تابعت: "فا اللي الناس بيشوفوه على السوشيال ميديا هو تعبير عن الزعل الشديد اللي جوايا"وأضافت"أنا لما شوفت الحاجات دي أتأثرت لأني "كنت في يوم من الأيام ضحية من الضحايا و دوقت الحاجات دي ومحدش دقها أكتر مني".
لماذا الجمهور يفهمك دائما بشكل خاطئ؟
لا اعرف،ولا يهمني يفهمو ايه وفي الوقت الصح هيفهموا الكلام الصح،واللي متابعني وبيحبني هيحبني في كل حالاتي وفي الأيام دي الواحد يبتصرف بعفوية وأنه مش فاهم أحسن من أنه يكون مدعي العبقرية،ويطلع ناس زي النجوم اللي بتهاجم الجيش وبيشجعوا على الحرب وبيتكلموا في السياسة وفي حاجات مش فهمنها واللي مش فاهم في السياسة ميتكلمش فيها ممكن نتعاطف مع الناس بس إحنا كناس بنظهر على السوشيال ميديا لا داعي نتكلم في السياسة ومش لازم الفنان يتكلم في السياسة.
شايفه الراجل المصري أحسن ولا اللبناني؟
كل واحد ليه حسناته وسيئاته ولكن الراجل المصري دمه خفيف جدا.
ماذا عن الإعلاميات في البرامج معقدين نفسيا.. كان قصدك على مين؟
فيه كام واحدة بتطلع كده، علشان ياخدوا لقطات وياكلوا الجو طول الوقت واللي بتطلع تشتم على الستات وتقول إن الست تعيش في عبودية طول الوقت وبتشم في الستات وإنحيازها كله للرجالة.
تقبلي تمثلي مع محمد رمضان؟
اه ممكن هو عبقري في التمثيل.
