خالد محمود: مسلسل الحقيقة والسراب نقلة في مشواري الفني
تحدث الفنان خالد محمود عن ذكرياته مع مسلسل " يتربي في عزو" و" الحقيقة والسراب" و" محمود المصري “ قائلا:" الـ 3 مسلسلات كانوا من إخراج مجدي أبو عميره عملت معاه أنجح المسلسلات وشخصيتي في "يتربي في عزو" كانت جديدة عليا خالص لاني كنت عامل فنان شاب بوهيمي والدور نجح نجاح كبير".
خالد محمود: مسلسل الحقيقة والسراب نقلة في مشواري الفني
تابع خلال حواره مع الإعلامية انجي هشام في برنامج "المنسي"عبر قناة هي:" محمود المصري أكتر مسلسل عملته وانا عاشق ليه محمود عبد العزيز من أجمل النجوم اللي تتعاملي معاهم، وكنت حابب الموضوع جدا كان بيتكلم عن الغربة وتحقيق الذات أما الحقيقة والسراب كان متوفر فيه كل ما تتخيليه من كاست وكان أول نجاح للشركة المنتجة".
وختم محمود قائلا:" مكنتش أعرف أنه هيعمل النجاح الغريب ده، اللي يخليكي تفرحي أن الشباب عملينله صفحات على الفيسبوك وكوميكسات كلها طالعه على الحقيقة والسراب وده عمل نجاح مش طبيعي وكان نقله حياتية بالنسبالي وسعيد بيه جدا ".
