جبتها بالإسدال.. مدرس ينقذ طالبة ثانوية عامة راحت عليها "نومه" فى امتحان الجيولوجيا
فى موقف إنساني ، سرد مدرس تفاصيل انقاذه فتاة ومساعدتها فى الالحاق بامتحان الجيولوجيا بعد أن غفلت ولم تستيقظ فى موعد الامتحان.
وقال المدرس،" النهارده الساعه جت 9 وربع وانا بمر علي اللجان فوجئت ان في بنت ماجاتش امتحان الجيولوجيا وانا عارف ان هيبتحضر سالت علي رقمها طبعا محدش معاه موبيل واللجنه بتاعتي في بلد ريفي يعني عائلات سالت هي بنت مين وخرجت جري ومعايهاحد العمال عشان يدلني علي بيتها الساعه كانت 9وتلت بخبط جامد ع الباب البيت كله كان نايم بما فيهم البنت حاله من الصويت والانهيارطلبت من البنت بسرعه تلبس اسدال وطلبت من العامل يجيب ادواتها واخدتها علي اللجنه في تمام التاسعه والنصف الا ثلاث دقائق والحمدلله حضرت الامتحان "
وتابع ،"رحلتي مع الثانويه العامه كلها اثاره ولكن كنت مبسوووط اوووي والبنت لحقت الامتحان يوم مثير اللهم احعلنا سببا في مساعده الغير واسترها معانا جميعا يارب".
