مروة عبد المنعم: كلمت دكتور أشرف زكي عشان أشتغل
كشفت الفنانة مروة عبد المنعم عن طريقة تعاملها مع انتقادات الجمهور على مواقع التواصل الاجتماعي.
وقالت مروة عبد المنعم في تصريحات تليفزيونية"الناس شايفة أن الفنان دا معاه بنك، ولما نزلت فيديو وقولت أنا عايشة في إيجار يردوا عليا ويقولوا ما أنتي قولتي قبل كدا أن أنتي اشتريتي فيلا، بيفرق معايا كلام الناس لما يدخلوا في حتة ولادي، لما بلاقي حد بيتكلم على بنتي برد، والناس عمرها ما هتتغير".
تابعت:" كلمت دكتور أشرف زكي عشان أشتغل، وأنا أفشل واحدة تكلم المخرجين عشان الشغل، وفيديوهات التيك توك ساعدني بأن الناس تفتكرني ودا كان هدفي".
وأضافت مروة عبد المنعم:" أنا مفكرتش في الاعتزال أنا بحب الفن جدا، ولما بدأت مش بتطلب درست فن، وعملت مسرح، ومحتوى على السوشيال ميديا وأنا جوايا حالة إبداع لازم تطلع، وأنا حاسة بعدم التقدير عشان كدا تضامنت مع الفنانة مريهان حسين لما أعلنت اعتزالها".
