عمر كمال عن البرامج الحوارية في رمضان: مش لازم أظهر أخبط في حد

علق مطرب المهرجانات عمر كمال على عدم ظهوره في البرامج الحوارية خلال شهر رمضان، مشيرا إلى أن هذة النوعية هدفها عمل الترندات فقط.

عمر كمال ينتقد برامج التوك شو في رمضان: مش لازم أجيب سيرة الناس عشان أبقى تريند

ونشر عمر كمال عبر صفحته على موقع التواصل الإجتماعي “ الفيسبوك” قائلا:" لأي برنامج حواري بيطلبني في رمضان، ده حاجة تشرفني وغالبًا بكون بحترم جدًا المقدم بتاع البرنامج وفوق راسي، لكن الحقيقة أني معنديش حاجة جديدة أتكلم فيها".

وتابع عمر كمال:" يبقى مش لازم أظهر في برنامج، أخبط في فلان غصب عني عشان أعمل تريند، أو حد يجيب لي صورة علانة ويخرجني برة شعوري، ونجيب سيرة الناس وبنات الناس.. مش لازم أكون موجود في رمضان بأي حاجة وخلاص".

وأضاف عمر كمال:" لو مليش وجود يبقى مش لازم أكون موجود، فيه 11 شهرا في السنة، ممكن أكون موجود فيهم بأي شكل أنا عاوزه، لكن البرامج اللي من النوعية ديه بطلع منها خسران مش كسبان، مع كامل احترام لكل البرامج ديه والقائمين عليها".

وأحيا عمر كمال، يوم الأربعاء الماضي، حفلا غنائيا ضخما بخيمة "ارابيسك" داخل فندق تيوليب النرجس والتى حملت لافتة كامل العدد وحرص على تقديم عدد كبير من أغانيه المميزة التى نالت إعجاب الجميع.