خالد الغندور عن تسريب عقود نجوم الزمالك: "عايزين نعرف الشناوي وكهربا بياخدوا كام"
استنكر خالد الغندور لاعب نادي الزمالك السابق، تسريب عقود لاعبي فريقه، في الآونة الأخيرة، قائلاً،" ليه عقود لاعيبة الزمالك بس هي اللي بتتسرب؟ أنا عايز أعرف أرقام لاعيبة الأهلي وبيراميدز اللي هما أعلى أندية بيدفعوا فلوس".
خالد الغندور عن تسريب عقود نجوم الزمالك: "عايزين نعرف الشناوي وكهربا بياخدوا كام"
وأضاف خالد الغندور، "مين مصلحته يسرب عقود لاعيبة الزمالك والأهلي وبيراميدز لأ؟ عايزين نعرف عبدالله السعيد بياخد كام ومعلول والشناوي وتاو وكهربا".
كما علق الإعلامي خالد الغندور على قرار الاتحاد الدولي لكرة القدم "فيفا" بمنع نادي الزمالك من القيد لمدة 3 فترات، قائلاً، "محجوز علي فلوسك في البنوك ازاي هتحول فلوس للنادي الإفريقي منتظر حد يحلها".
خالد الغندور لـ لاعبي الزمالك: "الماتشات الجاية محتاجة رجالة في الملعب"
وفي وقت سابق، شن الإعلامي خالد الغندور، هجوماً عنيفاً على لاعبي الفريق الكروي الأول بنادي الزمالك، بسبب تراجع نتائج الفريق بمختلف المسابقات المحلية والإفريقية، مطالباً اللاعبين باستعادة نغمة الإنتصارات من أجل مصالحة الجماهير.
وقال خالد الغندور في تصريحات تلفزيونية، "الفترة الجاية في نادي الزمالك تحتاج رجالة في الملعب، بسبب الظروف التي بيمر بيها النادي وفريق الكرة من تراجع للنتائج، لازم اللعيبة تخرج نفسها من الظروف دي لأنها بتلعب كورة ومعظمهم مأمنين مستقبلهم، أنت بتلعب كورة عشان أنت بتحب الكورة فبتكسب فلوس، لو أنت بتلعب كورة عشان الفلوس يبقى الوضع مختلف تمامًا".
وأضاف خالد الغندور، "جمهور الزمالك استحمل الفترة الأخيرة، لازم الجهاز الفني واللاعبين يصالحوا الجماهير الفترة الجاية، لأول مرة نبقى زعلانين من فيريرا واللاعبين بالشكل ده، أنت بتلعب في نادي الزمالك نادي كبير، لازم يبقى عندك ثقة في قدراتك، أنت مش بتلاعب ريال مدريد ولا بتلاعب برشلونة ولا ليفربول ولا باريس سان جيرمان، أنت بتلاعب فرق من المفترض أنهم أقل منك، ومعظم لاعبيهم لا يلعبون في منتخبات بلادهم".
