بـ20 و30 جنيه.. مواطن يوثق إجبار سايس له على دفع فلوس لركنة سيارته بجوار محافظة الجيزة
وثق مواطن إجبار اثنين من السياس له على دفع أموال مقابل ركنة سيارته ، موضحا إنهم هم من يحددون التسعيرة لتواجد السيارة.
وقال صاحب الواقعة،" السايس البلطجي ممكن حد يقولي ايه ياجماعه الغابة اللي بقينا عايشين فيها دي ؟؟!! انا ليه مفروض أواجه الأشكال دي كل مانزل الشارع ومين اللي مفروض يحميني منهم ؟؟النهاردة في شارع الهرم جنب محافظة الجيزة وفي العباسية قدام اكاديمية القلب السايس البلطجي عايز يفرض فلوس بالقوة عشان بركن في الشارع اللي هو علي حد علمي ملكية عامة للمواطنين محدش ورثه عن المرحوم والده".
وتابع"لا والأغرب ان زمان كان يقولك راضيني تديله خمسة جنيه ولا حاجة واتحلت لمشكلة دلوقتي بيطلب عشرين وتلاتين جنيه بكل بجاحه قبل ماتنزل من عربيتك ؟؟ فين وزارة الداخلية ؟؟وفين رئاسة الوزراء ؟؟ وفين المرور؟؟؟وآخرة الكلام ده ايه ؟؟ هل مفروض حد من دول يشتبك معايا واروح لأهلي جثة هامدة عشان واحد مبرشم مطلوق علي الناس ولا ايه"
