الأحد 29 يناير 2023 الموافق 07 رجب 1444
رئيس التحرير
حازم عادل
سوشيال

"فجأة مالقتهوش جنبي".. رسالة مؤثرة من والدة الطالب ضحية قيادة شاب متهور بمدينتي

الإثنين 23/يناير/2023 - 10:39 م
الطفل يوسف
الطفل يوسف

طالبت الكاتبة رضوي العوضي ، والدة الطفل يوسف الذى يرقد فى المستشفي فى حالة حرجة بعد دهسه من قبل شاب متهور كان يقود السيارة بتهور فى مدينتي، الدعاء لابنها.

وقالت والدة الطفل يوسف" عارفين ده مين ده يوسف ابني "حبيب ربنا" اللي عمره ما أذى حد حتى لو حد اذاه اللي بيخاف على زعل ربنا من أي حاجه ممكن يعملها ويفكر الف مره ويكلم ضميره ويراحع نفسه علشان ميغلطش ويزعل ربنا ...حبيبي ده من وهو صغير بقول له انت يايوسف اخر الاطفال المحترمين محدش يعرفه غير وقال عليه متربي ومحترم ..اقول ايه واحكي ايه احكي مواقفه واللا اقول احساسي بيه في الدنيا ايه ده هو اللي سندي وضهري مش انا ..هو اللي حنيته عليا انا ومريم اخته تكفي الكون ..اسألوا اصحابه مين يوسف اسأله اصحابي اللي عارفينه مين يوسف إسأله مدرسته ومدرسينه مين يوسف".

وتابعت "مش عشان انا امه بقول كده ..ربيته وكبرته على انه يكون بنى آدم انسان مش بشر لان الفرق في الاحساس كبير ..بيحب الكورة واصحابه زى عنيه بيخاف على اصحابه ويشيل همهم اكتر من نفسه ..يوسف ابني محتاج دعواتكم لانه فجأه ملقيتوش جنبي ولقيته في اوضه مقفوله مكتوب عليه رعاية مركزة مخ واعصاب ليه كل ده يحصل علشان اب وام مربوش مكانوش فاضيين لابنهم ولا علموه غير انه يقل أدبه بالفاظ قذرة وبفيديوهات على صفحته وهو بيطير بعربية بيفتخر بعداد سرعة سواقتها يخوف ويرهب الاطفال والكبار في مدينتي ..القصة مش يوسف ابنى بس لا في الف يوسف لو سيبت حق ابني يبقى بضيع حق الف ام غيري ادعوا والنبي ليوسف حبيبي هو محتاج دعواتكم".