"أدوا نفسكم فرصة".. الرئيس السيسي يوجه رسالة خاصة للمقبلين على الزواج
قال عبدالفتاح السيسي على هامش افتتاح عدد من المشروعات القومية بمحافظة الجيزة اليوم الأثنين، "في ناس سمعت مني الكلام ده، لما قولتلهم، فكروا أن أنتو متخلفوش في أول سنتين أو تلاته، الناس إفتكرت إني بتكلم كده عشان أنظم النسل..لا، الشاب والشابة كانوا في بيوت أهلهم وفي كنف أسرة، و بعدين بيروحوا بيت تاني، بشكل تاني، أديهم فرصه يعيشوا، ويتفقوا مع بعض، ويقدروا يتحملوا مسار حياه لمدة سنتين".
"أدوا نفسكم فرصة".. الرئيس السيسي يوجه رسالة خاصة للمقبلين على الزواج
وأعلن الرئيس عبد الفتاح السيسي، اليوم الأثنين، عن إنشاء صندوق لدعم الأسرة ضمن مشروع قانون الأحوال الشخصية الجديد، قائلا: "ليه بنعمل الفكرة دي.. أنا بقوله النهارده مش عاوزين أي أسرة والاختلاف وارد.. لما الاختلاف وارد فيه فترة زمنية وقت الاختلاف.. من يتكفل بالأبناء.. هما زعلانين ومش عاوزين يصرفوا.. طب مين اللى يصرف على الأولاد.. هل يضيع الأبناء؟!.. دول ولاد مصر.. صندوق دعم الأٍسرة في الأوقات الحرجة.. وقولنا الدعم الحكومى تساهم في بقدر ما يساهم فيه المتزوجين".
وأضاف الرئيس السيسي، "لقينا وزارة التضامن بتقدم مساعدة للأسر يعني إن المبالغ الموجودة من الأرباح مبقتش متواجدة، وبقى في مديونية 300 مليون، هقف اتفرج على الموضوع واسكت؟ لا قولت نعمل صندوق واللي هيتجوز هيحط في الصندوق مبلغ بسيط كل الناس تقدر عليه، اللي هيقدر يتجوز يقدر يدفع المبلغ ده مش بتعملوا فرح وتقعدوا تتخانقوا على الشبكة والفرش".
وتابع الرئيس السيسي، خلال كلمته في افتتاح مشروعات جديدة في مجمع الصناعات الكيماوية بمحافظة الجيزة: "أي إجراء بنعمله خالي بالكم.. أن الدين بيخاطب الضمائر له نظم.. والدولة لازم تعمل نظم تحقق مقاصد الدين.. يعني لما يجي يقولك إكرام اليتيم.. اكرموا اليتيم.. الدولة تأخذ اتجاه وتعمل قواعد وإجراءات لإكرام اليتيم.. أي إجراء يتم علشان الناس تفهم يعني أيه دين حقيقي.. مش فقط نخاطب ضمائر الناس.. الدولة مسئولة عن قواعد ونظم تحقق المقاصد الطيبة للدين".
