حفيد فؤاد المهندس: كنت طفل فضولى وجدى كان صارم جدا

قال عمر المهندس، حفيد الفنان فؤاد المهندس، إن جدى ترك أثر واسم كبير جدا سيظل خالدا لكل الأجيال، و عشت مع جدى فى الزمالك إحنا كنا في الدور الثامن وهو فى السابع ،وفضلت معاه لحد ما وصلت 16 عاما.

وأشار حفيد فؤاد المهندس، في تصريحات عبر إذاعة ميجا أف أم، الي أن مسرحية "سك على بناتك" هى أكتر حاجة بتفرج عليها كل يوم من غير ما أمل، وأرى أن جدى كان عنده إمكانيات أكبر لم يتم استغلالها، وكنت مساعد مخرج مع شريف عرفة لمدة خمس سنوات وعملت فيهم كذا حاجة منها تامر وشوقية والجزيرة.

وتابع: بحب أخرج أكتر من إنى أمثل، وورثت اسم كبير جدا، كل حد يتعرف عليا يبتسم تلقائى، أظن إنى أشبه جدى فى حبي فى التركيز في الشغل وحبى للفن.

واختتم قائلا كنت طفل فضولى وبسأل جدى كتير قوى، يعنى مثلا في فيلم اخطر رجل فى العالم، سألته إزاى طلعت بشخصين، وضربتوا بعض وكده، وهو عمره ما بخل بمعلومة ابدا، وجدى فؤاد المهندس، كان صارم جدا، وبيهتم بالمواعيد فى الشغل، وكمان برنامجه اليومى، وكان عنده الأكل بميعاد والقهوة كمان.