الثلاثاء 27 سبتمبر 2022 الموافق 01 ربيع الأول 1444
رئيس التحرير
حازم عادل
فن وثقافة

نهي العمروسي: أنا غلطت فى تربية بنتي واستحملت أزمتها الأخيرة بقوة ربنا

الخميس 15/سبتمبر/2022 - 07:04 م
مصر تايمز

قالت نهي العمروسي عن أزمة ابنتها الأخيرة فى القضية المعروفة إعلاميا بقضية الفيرمونت " استحملت الأزمة بقوة ربنا وهى شخصية مستقلة ولجأت لربنا فى أزمتها"، متابعه قائلة " أنا غلطت طبعا فى تربية بنتى فى بعض الأحيان ومنها طريقتي فى إنى أقولها باباها مات".

 

وتابعت نهى العمروسي إنها كانت تمازح المخرجة كاملة أبو ذكري وقت تصوير مسلسل "سجن النسا" قائلة لها" قولتلها القبض على نهى العمروسي برفقة عدد من الشباب"  وبالفعل حدث الأمر تانى يوم وتم القبض عليا.

 

وسردت موقف إنسانى لسيدة تعرفت عليها داخل السجن وكان قد حكم عليها بالإعدام لإرتكابها جريمة قتل زوجها قائلة " كان فى وحدة اسمها هنية وكان هتتعدم علشان قتلت جوزها وقبل ما أخرج من السجن قولت ممكن أشوف هنية ولقيتها بتقولى أنا حلمت بيكى على جزيرة وشعرك قصير"، قائلة " ربنا يرحمها زمانها اتعدمت".

وتابعت  الفنانة نهى العمروسي ، أن والدها سعد العمروسي كان محامى ومستشار قانوني لعدد من الفنانين الكبار ، قائلة " مش ضرورى أكون محامية بس أنا بعرف أدافع عن نفسي فى كل المواقف وقوية كفاية".

وحول ارتباط اسمها بالأزمات قالت فى لقاء مع الإعلامية ياسمين عز ،  " بتجاهل أي حاجة واتعلمت القبول لأي مصيبة تحصلي لأنها مكتوبة عليا ومكتوبة إنك تعيشيها.. ببقى مظلومة أحسن ما أقابل ربنا إزاى وأنا ظالمة"


وأحرجت الفنانة نهى العمروسي المذيعة ياسمين عز على الهواء قائلة " مكنتش عايز أطلع مبحبش أطلع على الفاضي والمعدة اللى فضلت تكلمنى وأقنعتني " ، لترد عليها ياسمين عز ،" احنا اللى عايزين حضرتك تطلعى معانا".

وتابعت نهى العمروسي،" انا عارفة قيمتي ولو الفن مقدرنيش خلاص عادى مش هتقهر ولا أقعد اعيط أنا أقوى من كده"، وحول مصدر دخلها بعيد عن التمثيل قائلة " مصدر دخلى من عند ربنا محدش ليه دعوة دى حاجة تخصني".

 

وقالت " بستخدم النت فى حاجة مفيدة واتعلمت الرسم وبثقف نفسي بنفسي"، متابعة " بتكسف وبترفع إنى أقول لحد خدنى معاك فى شغل".

 

وتحل الفنانة نهي العمروسي ضيفة على برنامج كلام الناس الذي تقدمه الإعلامية ياسمين عبر قناة mbcمصر