طارق الشيخ يطرح أغنية "ودوني البحر" من ألبومه الجديد
يستعد المطرب طارق الشيخ لطرح أولى أغاني ألبومه الجديد ودوني البحر، مساء اليوم الأحد، وتحمل الأغنية نفس إسم الألبوم، والاغنية من الحان "عزيز الشافعي".
طارق الشيخ يطرح أغنية "ودوني البحر" من ألبومه الجديد
وتقول كلمات الأغنية: ودوني البحر ورجعوني، عطشان وفاضي كأسي، وياما حذروني بالويل والمآسي، ودوني البحر.
وفي وقت سابق، قال المطرب الشعبي طارق الشيخ إنه مر بحالة نفسية سيئة للغاية وتوقف عمله على مدار 5 سنوات تسببت فى سقوط شعره ، وإنه خرج من هذه الحالة بعدما ذهب لأداء العمرة وظل يبكى وبعد عودته وجد أن أموره اتيسرت والحالة النفسية خفت ووعد ربنا إنه لن يكرر الغلط مرة ثانية.
وقال فى لقاء ببرنامج " كلم ربنا" مع الإعلامى أحمد الخطيب على الراديو 9090 ،" الفترة اللي فاتت دي كانت أصعب سنين عمري .. 5 سنين من أسوأ ما يكون، كل حاجه وقفت في حياتي وأصبت بأزمة نفسية كانت سبب إن شعري وقع وجالي مرض كان سبب إضافي لتدهور حالتي النفسية..مش هقدر أحكي أنا تعبت أد أيه ومحدش كان حاسس بيا".
وتابع طارق الشيخ " في يوم من الأيام وأنا في عز الحالة دي ومدمر نفسيًا لقيت نفسي دخلت مسجد ستنا السيدة زينب وبكيت قدامها بحرقة شديدة، لأني بحبها علشان هي أم العواجز وأنا عاجز مش عارف أعمل حاجة.. في مقام ستنا المشيرة بكيت وكلمت ربنا قولت له "أنا في بيتك وبين إيديك وقدام مقام حفيدة حبيبك.. متردنيش أنا جاي أتوب من الذنوب اللي ارتكبتها .. إرضي عني لاجل خاطر بنت بنت النبي".. خرجت من المقام الشريف لقيت صديق ليا بيتصل يقولي إنه رايح عمرة وإنه حجز لي معاه.. حسيت ساعتها إن ربنا عاوزني، وطلبني لزيارة بيته الحرام والحبيب الغالي سيدنا النبي".
وقال طارق الشيخ " هناك عند مقام سيدنا النبي في الروضة الشريفة بكيت زي طفل ماتت أمه.. نزلت من عيني دموع مقدرش اتصور أد إيه..رجعت مصر وبعدها ب 3 أيام بالظبط لقيت كل الأبواب اللي كانت مقفوله اتفتحت وأموري اتيسرت، والحالة النفسية بقت أفضل وشعري طلع بعد ما غسلته بماء زمزم وأنا في العمرة".
