كاريوكي تحيي حفلاً غنائياً في التجمع الخامس الجمعة المقبل

تحيي فرقة كاريوكي حفلا غنائيا يوم الجمعة  المقبل 29 يوليو، ومن المقرر إقامة الحفل في كايروفيستيفال سيتي مول  ويتم الإعلان عن موعد حجز التذاكر قريبا.

عمرو أديب ينتقد سوء تنظيم حفل “كايروكي” في الإسكندرية

انتقد الإعلامي عمرو أديب سوء التنظيم الذي شهده حفل فريق «كايروكي» في الإسكندرية مساء الجمعة، وتعرض الفريق بسببه لحملة انتقادات على السوشيال ميديا.

وقال عمرو أديب خلال تقديم برنامج «الحكاية» المذاع عبر قناة MBC مصر: «الموضة السنة دي من أول أبوقير في إسكندرية لحد ألماظة في آخر الساحل الشمالي ما يسمى بحفلات الشاطئ، ومن يومين كان في حفل في إسكندرية قلقني، لإن كان المطلوب يحضر 5 أو 6 آلاف حضر 20 ألف».

وأضاف: «أنا مش خايف من كورونا ولا حمى القرود، أنا خايف الناس دي تدوس على بعض، ولو تشوفوا بوستات اللي حضروا الناس اتخنقت من الزحام رغم إن المكان مفتوح».

وتابع: «لو الناس دي حد ولع حاجة أو إتخانقوا، وبدأت الناس تجري هيدوسوا على بعض، ونرجع نقول كان فين الأمن، وليه المطافي والإسعاف إتأخروا، لكن في حاجات ولا أمن ولا إسعاف يقدر يعمل حاجة، ولو هذا الأمر حدث إحنا قدام كارثة حقيقية».

وواصل: «كايروكي على عيني وراسي، وبموت في أمير عيد، وعايز الناس تنبسط في إسكندرية، لكن أرجوكم لازم يكون في جهات قادرة على التنظيم، وشوفنا حفلات لعدد من كبار النجوم كانت منظمة بطريقة بديعة ومبهرة».