ميدو يهاجم عصام عبد الفتاح: مغرور ويضلل الجماهير خوفًا على منصبه

وجه أحمد حسام ميدو نجم الكرة المصرية الأسبق، انتقادات حادة تجاه عصام عبد الفتاح رئيس لجنة الحكام قي اتحاد الكرة وذلك بعد تصريحاته التي هاجم خلالها فكرة الاستعانة بخبير أجنبي لتطوير منظومة التحكيم وانتقاده للإنجليزي مارك كلاتينبرج المرشح الأول لتولي هذا المنصب.
 

ميدو يهاجم عصام عبد الفتاح: مغرور ويضلل الجماهير خوفًا على منصبه

وقال ميدو في تصريحات عبر  برنامجه “الريمونتادا”، “مش أي حكم راح كأس العالم يرجع بلده يعمل نمرة ويقولك أنا وأنا ، الحكم اللي أثبت جدارته في كأس العالم هو اللي أدار ماتشين أو أكتر مش ماتش ويقولوله مع السلامة خد تذكرتك، اياكم والتضليل واياكم محاربة فكرة التطوير محدش هيسمح بكده”.

وأضاف ميدو ،  “تصريحاتك يا كابتن عصام عبد الفتاح غير مقبولة ، إنك بتتكلم عن نفسك بغرور كبير جداً وبتضلل المشاهدين وبتقلل من الحكام، بكاري جاساما أدار مباريات في كأس العالم هل ده يعني انه حكم عظيم؟”.

وتابع ميدو ، “ الكلام اللي بيقوله عصام عبد الفتاح تضليل بخصوص مارك كلاتنبيرج، أنت يا كابتن عصام مستواك لم يؤهلك لاستكمال المشوار في كأس العالم 2006، أنت عايز تمسك في كرسيك واحنا مش هنسكت وهنقول الحقيقة".

واستكمل، “ أقسم بالله لو كان حكم ماتش الأهلي والزمالك مصري كان عصام عبد الفتاح هيقول إن الزمالك ملهوش ضربة جزاء عشان يخلي الحكم الإسباني فاشل، أنا قولت إن الزمالك له ضربة جزاء قدام الأهلي جبت الحكم جمال الشريف وقال مفيش ضربة جزاء للزمالك رفعت ايدي لأن جمال الشريف يعرف أكتر مني ، الموضوع مش تكبر”.