عادل إمام ينقذ شريف عامر من كمين وكاتب صحفى من سطو مسلح
الأربعاء 04/مايو/2022 - 10:45 م
سرد الكاتب الصحفي ياسر الزيات موقف له ساعده اسم الزعيم عادل إمام على إنقاذه منه قائلا " أنقذني عادل إمام من سطو مسلح (تثبيت) في تونس.. قلت للي حاطط المطواه في جنبي، بهزار: "أنا مصري، يعني هتلاقي معايا إيه تاخده"، وضحكت فضحك. سألني: بتشوف عادل إمام؟ قلت: طبعا، يوميا تقريبا، ده جاري وحبيبي. قال لي: طيب سلم لي عليه. وما تمشيش لوحدك تاني بعد الساعة 7.
ومن جانبه علق الإعلامى شريف عامر على المنشور قائلا" حصلت معايا لكن على كمين امن في الاراضي الفلسطينية. شكوا اني مصري ! قالوا لي تعرف عادل امام ؟ قلت : ساكن في الشارع اللي جنبي ( عند نادي الصيد ).سابوني..ادخل بقى نيوز رووم قناة عربية و قول ان فيه مدرسة المشاغبين. تلاقي شاشة كل محرر جنب الكومبيوتر راحت على المسرحية.
هذه التعليقات الطريفة من الإعلامى شريف عامر والكاتب الصحفي ياسر الزيات جاءت على تغريدة الفنان القدير نبيل الحلفاوى التى أشاد خلالها ببراعة وقدرة الزعيم التمثيلية قائلا" لو أردنا أن نلخص عبقرية وموهبة عادل إمام وتاريخه.. لن نجد أفضل من الفصل الثاني في مسرحية "شاهد ما شافش حاجة".
وتابع الفنان نبيل الحلفاوى ،" مخرج العرض الراحل العزيز هاني مطاوع كان قد قال لي أثناء البروڤة الجنرال.. "أنا ما عملتش حاجة في الفصل الثاني.. ده بتاع عادل 100٪".
