الجمعة 29 مارس 2024 الموافق 19 رمضان 1445
رئيس التحرير
حازم عادل
فن وثقافة

نيرمين الفقي: اتبسطت بمشاركتى كضيفة شرف فى الكبير اوى .. ومكي تلقائى وموهوب

الجمعة 15/أبريل/2022 - 04:53 م
مصر تايمز

قالت الفنانة  نيرمين الفقى اول حد لمتى بتحلى معاه اهلى و عيلتى بعد كدة صحابى الصحاب اللى بجد لان فيه صحاب بجد و فيه صحاب اوى اوى دول فانا برتاح مع الناس الطبيعية التلقائية اللى بنحب بعض بجد و من قلبنا، و انا مقلة فى اعمالى وده مش بكيفى حسب الاعمال اللى بتتعرض عليا و لانى بنتقى ادوارى و مفيش فنان بيقعد فى البيت بمزاجه انا ليمكن اقول ان كل اللى جانى كانت حاجات عادية بالنسبالى لا يمكن اقول كدة اطلاقا، جاء ذلك خلال مداخلة هاتفية لبرنامج اللمة تحلى على شعبى اف ام. 

و أضافت كل اعمالى  ارهقتنى احنا مهنتنا صعبة للغاية و كل عمل بياخد من صحتنا وعمرنا و بياخدنا من اهالينا و بياخدنازمن حاجات كتير اوى و افتكر كنت بعمل اخر جزء فى مسلسل نصيبى و قسمتك كنا بره بيتنا حوالى ٣٦ ساعة و فى ابو العروسة من التعب بعد ما خلصت روحت المستشفى. 


وتابعت بحاول اغير جلدى و اعمل ادوار متنوعة و حاولت بشتى الطرق انى ابين موهبتى حسب العمل اللى بيتعرض عليا، و كذا حاجة ممكن تكسرنى ان انا لو اخترت بنى ادم  سليط اللسان او ممكن يمد ايده عليا او ان الراجل المرتبطة بيه يحسسك انك ولا حاجة كل ديه حاجت تكسر اى ست . 

وعن والدتها فقالت امى الله يرحمها كانت بطفش العرسان منى لانها كانت متعلقة بيا و كانت  صاحبتى اوى و تحولت الى  بنتى لما تعبت  و كانت بتخاف عليا اوى خاصة ان علاقتها بوالدى  مكنتش حياة طبيعية و انفصلوا فكانت خايفة عليا اوى ان  انا ممكن اتاذى. 

واختتمت قائلة اتبسطت اوى بمشاركتى كضيفة شرف فى الكبير اوى ٦ انهاردة استمتعت استمتاع غير طبيعى الكاست كان حلو  اوى كل الناس كانت هايلة  ده غير ان مكى تحسيه من جواه تلقائى موهوب و كان  نفسى اكمل اكتر.