محمد صلاح لصاحبة السعادة: نمت خلف بوابة نادى المقاولون وعلى الأرض علشان أوصل لحلمى ووالدى كان أكثر داعم ليا ووالدتى كانت بتخاف عليا.. وحياتي حاليا كلها كرة علشان لما أعتزل ماندمش على حاجة

ووجه محمد صلاح نجم منتخب مصر وليفربول، رسالة لأي شخص ينتقده قائلا،" بحاول أطلع فى اللقاءات علشان أي حد يستفيد بس حاولوا تاخدوا منى أى حاجة كويسة حتى لو دقيقة إنما لو فصلت تنتقدنى 10 ساعات أنا مش فارق معايا لأنى تعبت علشان أوصل للي أنا فيه"، متابعا" ده مش غرور بس أنا تعبت علشان أوصل وبحاول فى اللقاءات بتاعتى أعمل حاجة حد يستفيد بيها".

ورد محمد صلاح نجم منتخب مصر وليفربول ،  على الأسئلة السريعة فى لعبة صاحبة السعادة الفنانة إسعاد يونس خلال الجزء الثانى من اللقاء حول من سيختاره من لاعبي المنتخب فى حالة وجود خلاف بينه وبين زوجته أو من سيترك مع الأولاد فى حالة وجود موعد لديه وأفضل شخص يمكنه أن يستعين به فى أعمال الكهرباء بمنزله ، قائلا " تريزيجه أفضل شخص ممكن أسيب بناتى معاه لو عندى خروجه.. وحجازى أفضل واحد ممكن أستعين بيه يحل مشاكل بينى وبين زوجتى .. وأنا والنني صحاب من 15 سنة".

وتحدث محمد صلاح نجم منتخب مصر وليفربول ، عن زوجته ماجى وابنتيه مكة وكيان ، مؤكدا إنه لا يجبر أحد فى عائلته على شئ متابعا،" ماجى مراتى واخده بالها كتير من البيت والبنات وبدعمها طبعا لو عايزة تعمل مشروع ليها خاص ومش بضغط عليها فى حاجة".

وقال فى الجزء الثانى من لقاءه مع الفنانة إسعاد يونس ببرنامج "صاحبة السعادة" ، عن علاقته بإبنتيه مكة وكيان ،" مكة شاطرة وذكية والمدرسة فارقة معاها جدا ولما بأجى اتكلم معاها تقولى دى حياتى ماتدخلش فى حياتى".

كشف محمد صلاح نجم منتخب مصر وليفربول، عن ذكرياته أثناء رحلة وجوده فى المقاولين العرب بإنه كان حريص على أن يصل لحلمه وكان لديه إصرار على ذلك ، قائلا " فرشت كذا مرة فى أرض ملعب المقاولين العرب ونمت ورا البوابة علشان كنت عايز أوصل لحلمي". 

وقال عن مستقبله بعد ترك كرة القدم " شايف نفسي بعد الكرة هعمل حاجة كويسة وحياتى كلها كرة علشان ماندمش بعد ما أمشي واسيبها".

وقال محمد صلاح أن والده كان يدعمه طوال الوقت، وأن والدته كانت تخاف عليه من الطريق.

وتابع فى الجزء الثانى من اللقاء مع الفنانة إسعاد يونس إنه كان أهدى إخواته وأنا شقيقه كان هو الفتي الشقي فى عيلته، متابعا،" أول مرة روحت المقاولين كنت أنا وابن عمى وفضلت ماشى ساعة وربع من عند منطقة العرب".

علق محمد صلاح نجم منتخب مصر وليفربول على صعود زوجته للحصول على جائزة الحذاء الذهبى، قائلًا: "هى مبتظهرش معايا كتير حسيت إنه حاجة مهمة إنها تأخد الجايزة مكانى، وأنا كنت فى القاعة بس حسيت إنها هى صلاح". 

وأضاف النجم المصرى المحترف بصفوف ليفربول الانجليزي، خلال لقاءه الخاص ببرنامج "صاحبة السعادة" مع الإعلامية الكبيرة إسعاد يونس، والمُذاع عبر فضائية "دى إم سى" أنه لا يوجد أحد فى العالم توقع أنه يكون السابع فى الترتيب العالمي.

وأضاف أن زوجته ست مصرية أصيلة لأنها استطاعت وسط الكم الهائل من الضغوط والشهرة المحيطة به أن تحافظ على أجواء عائلية هادئة ومستقرة.

وتابع محمد صلاح: "هى أهم ضلع فى المؤسسة وهادية وملهاش علاقة بحد وبعيدة عن السوشيال ميديا، بتقفل على نفسها على حسب طبعى أنا طبعى هادى بلعب ماتشاتى فى هدوء وأرجع"، مشيرًا إلى أن قصة حبهما بدأت عندما كانا فى الدراسة سويًا، ثم صارحها بحبه فى الجامعة، ليتزوجها.