بعد استقبال كوسكال بابا.. الباز: "ناس عايشة في عالم موازي"
السبت 26/فبراير/2022 - 11:15 م
قال الدكتور محمد الباز، رئيس مجلسي إدارة وتحرير جريدة "الدستور"، إن اليوتيوبر التركي كوسكال بابا وصل القاهرة وهناك حالة حفاوة كبيرة به، والدنيا اتقلبت، وتم استقباله في المطار، ونزل في فندق في التجمع، وذهب إلى محل مشويات شهير، وبسبب مقطع فيديو تم تصويره البعض يرى أن هناك جريمة ارتكبت بسبب محتوى الفيديو.
وأضاف، خلال برنامجه "آخر النهار" المُذاع على قناة "النهار": "كوسكال يعاني من مرض وراثي أدى أنه يكون قصير القامة، ودخل عالم السوشيال 2015، واشتهر بسبب مقطع فيديو ظهر فيه وهو في خناقة مع شخص ضخم، وكوسكال بابا يتابعه 3 مليون و200 على تيك توك، ومليون على قناته باليوتيوب".
وواصل: "في المقطع الفيديو المتاول لكوسكال، أول جريمة ارتكبها الناس بتوع محل المشويات الإتجار بالبشر لأنهم استغلوا الرجل بصفاته الشكلية في الترويج، وثاني جريمة التحريض على الفسق والفجور، لأن في الفيديو في اختين بنات، وشخص بيقول نسيبهوملك ساعتين ونرجع تاني، والبنت اللى بتأكله الراجل يقول كوسكال بيحب اللحم الابيض، بالإضافة لجريمة إهانة للعلم المصري".
وأردف: "ف ناس رغبة في المكسب والترويج تحصل المهازل دي في الوقت اللى احنا مشغولين فيه على 6 آلاف مصري في أوكرانيا والحرب اللى بيموت فيها الناس، للأسف ناس عايشة في عالم موازي، ومفيش أي قيم ولا أخلاق، والمهم في مكسب".
