منة فضالي تهنئ والدتها بعيد ميلادها: كل سنة وأنتي جمبي ومعايا
شاركت الفنانة منة فضالي جمهورها علي موقع التواصل الأجتماعي "إنستجرام" فيديو يجمع أجمل لقطاتها بوالدتها لتهنئها بعيد ميلادها وعلقت " أمي الحياه كلها كل سنه وأنتي الدنيا كلها كل سنه وانتي منوره حياتي كل سنه وأنتي جنبي ومعايا وفي ضهري كل سنه وأنتي الحب الحقيقي عقبال سنين كتير يا أمي وأنتي بصحه وسعاده والأبتسامه ما تفارقك أبدا ويشفيكي يا رب والله يديم عليكي روحك الطيبه ماما بحبك عقبال ١٠٠ سنه يا قلبي ".
الفنانة منة فضالي قد أثارت الجدل في الفترة الأخيرة بعد أن نشرت صورة لطفل رضيع كانت علي وشك ان تتبناه وعلقت " الولد ده أتولد من ٥ ايام امه خلفتوه في مستشفي في الفيوم وقالتلهم أنا مش عاوزاه أرموه في الشارع الممرضه صعب عليها خدتو تربيه جوزها قالها تبقي طالق مني لو الولد ده فضل في البيت راحت مرجعاه المستشفي تاني واحده تانيه بتشتغل معايا في البيت أختها أخدته تربيه سافرت الفيوم وأخذت الولد و ودتو لدكتور طلع عنده الصفره بتقولي النهارده قولتلها هاتيه أنا هتبناه لأني نفسي يبقي عندي طفل
أضافت: "من شويه بتكلم اختها قالتلها الولد مات بعد ما أبتديت اخد إجرات التبني مش قادره أوصفلكم حالتي حقيقي ولا أوصف كرهي للست اللي خلفت حته لحمه ورمتها وراحت تشوف نفسها جالها قلب أزاي ترمي ضناها مهما كانت ظروفها أبنها ضناها أزاي في أمهات ب القذاره دي بس يعلم ربنا إني كنت هخليه أحسن حد في الدنيا مش الأم اللي بتخلف الأم اللي بتربي
وتابعت : أنا بكتب البوست ده لأني فعلا موجوعه من قلبي وكنت فرحانه إني هاخد الولد بس ربنا مش رايد ربنا يرحمك برحمتو وحسبي الله ونعمه الوكيل في الست دي ربنا ينتقم منها أشد انتقام د إحنا الحيوان بيصعب علينا ما بلكم طفل ملوش أي ذنب غير أن واحده معندهاش قلب ولا ضمير ترمي إبنها".
يذكر أن آخر أعمال الفنانة منة فضالي فيلم "ميني بار" بطولة نضال الشافعي، صلاح عبدالله، منة فضالي وراندا البحيري، سيناريو وحوار طارق رمضان، إخراج محمد خضري، وكذلك دورها في مسلسل "نسل الأغراب"، والمسلسل بطولة أحمد السقا، أمير كرارة، مي عمر، ريم سامي، نجلاء بدر، دياب، من تأليف وإخراج محمد سامي.
وقد شاركت في مسلسل "نصيبي وقسمتك " في حكاية ”تاج راسنا بابا " إنتاج أحمد عبد العاطي ، تأليف : عمرو محمود ياسين ، إخراج : محمد الخبيري ، مدير التصوير ، هيثم ناصر.
