مصرى يستغيث من طليقته الجزائرية: عايزة 150 ألف جنيه علشان أشوف عيالى
الإثنين 17/يناير/2022 - 06:19 م
استغاث كمال عبد العزيز ، أب مصرى فى بث مباشر مع " مصر تايمز" من طليقته الجزائرية التى تساومه على رؤية أطفاله مقابل 150 ألف جنيه، موضحا إنه تزوج منها وكانت حياتهم هادية وبعد مروره بضائقة مالية لم تقف بجانبه.
وتابع فى بث مباشر مع " مصر تايمز" ،" كانت بتسيب العيال لوحدهم وتنزل تخرج مع الشخص اللى كانت مرتبطة بيه"، موضحا إنه أبلغ شرطة النجدة والتى أثبتت حالتين بوجود الأطفال لوحدهم فى المنزل.
وقال " روحت أدفع مصاريف العيال فوجئت إن عيالى اتنقلوا من مدرسة لمدرسة تانية من غير ما أعرف ونقلتهم مدرسة فى المعادى.. وسرقت العفش بتاعى كله وبلغت الشرطة اللى جات عملت إثبات حالة".
وأضاف" بنتى بقت تكره كل حاجة فى مصر بسبب أمها .. وطليقتى بعد ما إدتها الجنسية المصرية بقت تشتم فى الجنسية والبلد".
