"أنت اللي قتلته؟".. فيديو لـ محمود الليثي يثير الجدل على السوشيال ميديا

وقال "الليثي" في مقطع الفيديو :"سلام عليكم وكل سنة وحضرتكم طيبين وسنة سعيدة عليكم، أنا النهاردة توفى إلى رحمة الله جوز أختي الكبيرة الحج عاطف مسعود، ويعني بس حصل لبس كدا، وكتبوا إن أنا اتوفيت، الحمدالله أنا بطمن جمهوري الحبيب وبطمن شعب مصر العظيم والوطن العربي والعالم كله، محمود الليثي كويس".

وأضاف:" وعادي يعني حصل غلط يعني كدا، وصدى البلد أنا بحبها جدا وبحب كل المواقع الأخبارية لأنهم بيحبوني جدا وبيحترموني وبيقدروني، وأنا سعيد جدا ويمكن النهاردة حسيت بحبكم ليا وخوفكم عليا وأنا سعيد جدا والله العظيم بيكم وطبعا ربنا يجعلها أخر الأحزان، النهاردة كان عندنا حالة وفاة جوز أختى وكدا بس يعني بردو منقدرش نخوفكم علينا يعني الحمدالله رب العالمين، وربنا يخليكم لينا وميحرمناش منكم واحنا بنحبكم كلكم".

وأثار مقطع الفيديو حالة من الجدل عبر مواقع التواصل الاجتماعي، وبدأ رواد هذه المنصاد بترك تعليقات ساخرة من بينها: "انت فرحان كدة ليه؟.. انت اللي قتلته.. شكلك كنت بتحبه أوي".