عفاف مصطفى لـ"الطفل الباكي": أمك صاحبة مزاج.. ومش عايزاك تكسر عليها شهر العسل

علقت الفنانة عفاف مصطفى على أزمة الطفل محمود، الشهير إعلاميا بـ"الطفل الباكي"، الذي ظهر مؤخرًا مع الإعلامي عمرو الليثي، وكشف عن معاناته مع والدته.

وكتبت عفاف مصطفى، عبر حسابها الشخصي بموقع التواصل الاجتماعي "فيس بوك"، قائلة: أمك مش فضيالك يا حبييبي  ومن  الآخر الاهم عندها مزاجها  وساعات والمزاج والنعنشه والفرفشه وكلام اخجل أقوله".

وتابعت: " بمعني  مش عايزاك تكسر شهر العسل المستمر من البني الادم اللي شبها عديم الضمير والانسانيه  ..  اكتر الستات اللي بتنفصل  بتختار  الراجل اللي يصون ابنها ويحطه عالراس ويكرم مشاعره ويحتويه وساعات الامهات  تفضل تعيش لابنها فقط دون زواج  احيانا".

أضافت: " لكن انتي جبتيلوا راجل من عينتك يلهث وراء مزاجه زيك ويهين فلذة كبدك ويدمر طفولته نفسيا .. يابني آدمه حتي وان كان طفلك عنده طاقه ذي الاطفال او شقي انتي تساعديه وتحسني توعيته وتحتويه وتقدميه علي اولويات حياتك.. انتي نكره يا صاحبة المزاج يا عديمة الأمومه".

اختتمت حديثها: " الطفل ده خساره فيكي وانتي عار ان تنتمي للامهات المحترمات.. دي الكلبه لما تكون والده  لو حاول  خد يمسك اطفالها تهجم عليه وتقطع  ايديه وتاخدهم  وتحملهم من عنقهم وتحطهم في مكان  آمن إقتدي بالكلاب يا سجينة مزاجك".