تامر حسنى بعد واقعة فرح البلوجر آية مكرم:"بتعتبرنى مثل أعلى وبتستمد طاقة منى".‏

وقال تامر عبر صفحته الشخصية على موقع التواصل الاجتماعى " انستجرام"، " آية غير انها ناجحة ‏وبنت محترمة وطموحة هى من محبينى من زمان وهى طفلة ودائما كان بيجيلى منها رسائل من زمان إن ‏امنيتها إن أغنى فى فرحها".‏

وتابع تامر حسنى " بعتتلى من زمان إنى بالنسبة ليها مثل أعلى بتستمد منى طاقة إيجابية بتفرحها ‏وبتنجح".‏

وأثيرت خلال الساعات القليلة الماضية حالة من الجدل بعد نشر النجم تامر حسنى فيديو خلال تنكره فى هيئة مصور صحفى ومفاجئته للبلوجر آية مكرم خلال حفل زفافها، وشن عدد كبير من رواد السوشيال ميديا هجوم على الأخيرة بسبب رد فعلها بمجرد ريتها لتامر حسنى وتركها لزوجها.

ونشر تامر حسني فيديو له من حفل زفاف آية وهيمن عبر صفحته الرسمية بموقع التواصل الاجتماعي فيسبوك حيث ظهر النجم تامر حسني متخفيا في زي مصور صحفي ليفاجئ البلوجر آية مكرم في حفل زفافها وكتب على الفيديو : "فاجئت آيه وهيمن حبايب قلبي اجمل عروسين و عملت نفسي مصور صحفي و داريت وشي ورا الكاميرا و لبست عدة الشغل ماسك و نظارة نظر 🥸عشان اوصل من الزحمه من غير ما حد يحس بيا.مبرووووووووووووووك مليون مبروووووك فرحتك بالدنيا يا آيه ربنا يخليلك اجمل هيمن في الدنيا و عقبال الجميع". 

وعلق عدد كبير من رواد السوشيال ميديا على الفيديو ،" جوزك اللى لسه مكملتيش معاه يوم حقه عليكى إن مفيش راجل ف الكون يبهرك ولا حتى يلفت نظرك غيره لمجرد إنك ع ذمت راجل.. جوزك من حقه عليكى عينك متلمعش ولا حتى تجرى علي حد بلهفه غيرو مهما كان مين ..جوزك رجولته و منظره وشعوره وإحساسه وكرامته من كرامتك..زى م إى ست ممكن تشتكى من غيرتها لما تشوف جوزها بيهتم بواحده تانيه وبينبهر بيها غيرها، إنتى كمان لازم تصونى جوزك من  مجرد بس النظره".