عايدة رياض: مش ندمانة على أفلام المقاولات والناس فاهمة المعني غلط
الأربعاء 13/أكتوبر/2021 - 12:31 ص
علقت الفنانة عايدة رياض على مشاهد المقاولات أو التجارية قائلة : عملت أفلام مهمة وفي غيرها مش مهم ومش ندمانة على نوعية أفلام المقاولات لسبب بسيط هو الإجابة على سؤال يعني إيه أفلام مقاولات ؟ يعني الإنتاج الضعيف يعني أجري هيبقى ضعيف ..مش معناها أني هاخد أجر أكتر .. الناس فاهمة أفلام المقاولات غلط".
ورداً على سؤال الإعلامية لميس الحديدي طيب لما هي مقاولات وأجرها قليل بتعمليها ليه قالت: هفضل معتمدة على ثلاثة أفلام عملتهم مع الكبار وخلاص .. هعيش إزاي ؟!.
وحول وجود أدوار " إغراء " في هذه النوعية من الافلام عقبت في لقاء خلال برنامج " كلمة أخيرة " الذي تقدمه الاعلامية لميس الحديدي على شاشة " ON" قائلة : " أنا مش شايفاها إغراء الصراحة أنا شايفاها " موضوع " زي " اللعب مع الكبار " هل ده إغراء ؟! قصة موجودة في المجتمع فيه ناس بتحب بعض ومش عارفين يتجوزوا "
تابعت : " فيلم زي " الكيت كات " هل ده إغراء ؟! ده فيلم علامة في السينما رغم أن فيه قبلات".
وحول لجوء بعض الفنانين حالياً لفكرة التمثيل دون لمس قالت: مش مع قصة أقول أه ولا ؟ أنت جاي تعمل فيلم تشوف ورقه والمخرج عاوز يوصل فيه إيه ؟ وبعدين هيا فين السينما دلوقتي ؟!.
