ريهام سعيد لجمهورها: "محتاجة دعاءكم جدا لحد بعد بكرة"
الجمعة 24/سبتمبر/2021 - 08:56 م
طالبت الإعلامية ريهام سعيد ، جمهورها ومتابعيها بالدعاء لها بعد إصابتها بفيروس كورونا وتواجدها بالمستشفي.
وقالت عبر صفحتها الشخصية على موقع التواصل الاجتماعي " فيس بوك" ،" انا مش عارفه اشكركوا ازاي علي دعاءكم انا محتاجه دعاءكم جدا لحد بعد بكره معاد الاشعه ربنا يخليكوا ليه انتوا بجد سند و ضهر دعاء 40 غائب بيعمل فرق و الدعاء بيرد القدر جميلكوا علي راسي من فوق".
وكانت الإعلامية ريهام سعيد قد أعلنت منذ يومين عن إصابتها بفيروس كورونا قائلة "بقالي اسبوعين بعاني من كورونا و الحمد لله الرئة اتاثرت و اتحجزت في المستشفى من شويه شكرا يا رب علي حبك ليه و شكرا على ابتلاءتك الكتير الي بتدل علي اهتمامك بيه . اذا كانت دي النهايه يا رب احسن خاتمتي و احسب لي كل عمل عملته لوجهك الكريم يا رب انت الوحيد الي عارف انا عملت ايه وكانت نيتي دائما ايه . استحملت و صبرت علي افترا و وظلم كتير . يا رب اغفر لي و سامحني و خلي بالاك من اولادي . اذا كان ده اختبار من اختباراتك و لسه في العمر بقيه يا رب اشفيني و اقف جنبي و سهل عليه محنتي انا راضيه باي شيء . نصيحه لكل واحد بيهاجم مشهور او ناجح انت بتاخد ذنب رهيب انتوا بتاخذوا من اعصابنا و صحتنا و كله علي باطل خلي بالكوا الاذيه دي وحشه اوي و هاتقعد لك في اعز ما عندك .ارجو الدعاء بالخير ليه اي كان هو ايه ."
