اليوتيوبر أحمد حسن وزينب يتجهان للربح بطريقة جديدة (تفاصيل)
الخميس 15/أكتوبر/2020 - 07:26 م
يستعد اليوتيوبر أحمد حسن وزوجته زينب لإفتتاح مطعم جديد يحمل اسم ابنتهما "ايلين" بمنطقة المعادى، وقرروا مساعدة الفقراء والمحتاجين بجزء من ربح المطعم.
ونشر أحمد حسن مجموعة من الصور يوم الثلاثاء الماضى، عبر حسابه الرسمى بموقع "فيس بوك"، ظهر خلالها هو وزوجته أمام المطعم وكتب:" يارب يكون فتحت خير علينا و بما انكوا عيلتنا التانيه لازم تشركونا فرحتنا و تكونوا موجودين فى افتتاح مطعمنا الساعه ٣ العصر يوم الخميس الجاى.. اوعدكوا انكوا هتاكلوا احلى فرايد تشيكن فى مصر و انا و زينب و كتير من المشاهير اللى بتحبوهم هنكون موجودين يوم الخميس من الساعه ٣ العصر الى الساعه ١٠ بليل هنستناكوا لان اليوم ده هنخربها تصوير صور و فيدوهات سوا ده غير فى مفاجات كتير هتفرحوا بيها و هتعرفوها لما تيجوا".
وتابع :" مستنى وقفتكم جنبنا و تشرفونا ياحلى ناس فى الدنيا عشان اليوم مش هيكمل غير بيكم و فى قرارات قررناها حابب اعرفهالكوا قررنا زى مهنتاجر على ارض الواقع نتاجر كمان مع ربنا فقررنا اننا نخرج ٢ جنيه مع كل اوردر يخرج من المحل اول جنيه هيخرج للفقراء و المحتاجين و اليتامه و المرضى و تانى جنيه هيخرج لصندوق تحيا مصر دعما مننا لبلدنا الحبيبه مصر و القرار ده سارى طول ماحنا عايشين على وش الدنيا ان شاء الله".
وشارك أحمد حسن اليوم الخميس، متابعيه مقطع فيديو عبر حسابه الرسمى بموقع "إنستجرام"، يحمس من خلاله الجمهور لرؤية المطعم وكتب عليه:"انهارده ان شاء الله هنكون جاهزين افتتاح مطعم (ايلين) استقبلكم من الساعه ٣ العصر حتى ١٠ مساء مستنينكم عشان تدوقوا احلى فرايد تشيكن فى مصر".
