الجمعة 29 مارس 2024 الموافق 19 رمضان 1445
رئيس التحرير
حازم عادل
فن وثقافة

أحمد الأبيارى عن سمير غانم: مبدع فى فن الارتجال على خشبة المسرح

الثلاثاء 01/يونيو/2021 - 11:27 م
سمير غانم
سمير غانم

كشف المنتج والكاتب أحمد الابياري أن الفنان الراحل سمير غانم رغم انه  مبدع في فن الارتجال على خشبة المسرح  لكن لم يكن يستغن عن الملقن على خشبة المسرح " الكمبوشة   " .

وقال في لقاء ببرنامج " كلمة أخيرة  " الذي تقدمه الاعلامية لميس الحديدي على شاشة " ON" في حلقة خاصة   أن الراحل كان ملتزماً  بفحوى الراوية التي تشمل بداية ومنتصف ونهاية  بأركانها  المختلفة  قائلاً : " كان لازم  يلتزم بفكرة الملقن في " كمبوشة المسرح " لمدة عشرة أيام حتى  يستطيع حفظ  النص المسرحي عبر تلقينه ".

وأكمل : " في مراحل أخرى من أعمال لاحقة بدا   يقلي مش عاوز " كمبوشة   " بقى دمها تقيل  .. سألته نعمل إيه ياأستاذ ؟  قلي   خلي الملقن يجيلي  الاوضة ويقرأ الراوية واقعد أسمعه .. وبعد كده ربنا يفتح عليا .. وبدانا نعمل ده  لمدة عشر ايام في اي عمل  حيث  يجلس الملقن ويقرأ  لمدة عشر ايام  ويستمع له .. لانه كان بيقلي ط الكمبوشة ط قديمة  ولازم نتطور ".

وكشف الابياري عن اسرار خاصة   بسلوك وأداء الفنان الراحل على خشبة المسرح قائلاً : "   أي فنان ممكن يجي المسرح قبل العرض بساعتين وفترة   لكن   سمير غانم كان مختلف مكنش بيدخل خشبة المسرح إلا بعد رفع " الستار " ولو جه بدري يفضل   قاعد في عربيته ".

وعن سبب ذلك قال : " أنا باجي البروفة بلاقي الباب مفتوح والستارة مفتوحه ومافيش حد في الصاله   ببقى مضايق عشان مافيش جمهور  ومش عايز احس إنها بروفة   عاوز أجي الاقي الاضاء والستارة مرفوعة والناس قاعدة عشان  أدخل على طول أضحك الناس "

وتابع: كان بيدخل من  باب المسرح  لحد غرفته على " طراطيف  صوابعه  " بمنتهى الهدوء  ومابيتكلمش ".