الجمعة 29 مارس 2024 الموافق 19 رمضان 1445
رئيس التحرير
حازم عادل
تحقيقات وتقارير

عم الشهيد المقدم محمد حبشى: "احتسبناه عند الله شهيد".. "الحقيقة كانت أصعب مشهد المسلسل".. "وصانى على أبوه قبل مايموت".. "والده مات بعده بـ 42 يوم"

السبت 08/مايو/2021 - 11:16 م
الشهيد محمد حبشي
الشهيد محمد حبشي

عرضت الحلقة 25 من مسلسل الاختيار، مشهد استشهاد البطل محمد وحيد حبشى وعدد من الضباط أثناء مداهمات قوات الأمن للعناصر الإرهابية بطريق الواحات، فى الحادث المعروف بـ"حادث الواحات".

وقال عادل (عم) الشهيد محمد حبشى : " الحقيقة كانت أصعب بكتير من المشهد عليه.. مكنتش مصدق ساعتها خبر وفاته.. احتسبناه عند الله شهيد وأن لله وإن إليه لراجعون".

وأضاف عادل فى تصريحات خاصة لـ "مصر تايمز": "كان خدوم جدًا وبيحب الناس والناس كلها بتحبه والعزاء مكناش عارفين نقف من كتر حبايبه اللى شرفونا وكان بيحب يساعد كل محتاج وبياخد باله من بيته وزوجته وأولاده ومن أى حد فى العيلة".

وتابع عادل: "يوم الحادث كلمنى وقالى أنا عندى مأمورية مهمة يا عمى وخد بالك من أبويا وبيتي زى مايكون قلبه حاسس.. وتوفى وأبوه ميعرفش خبر وفاته خالص وفاكر أنه بمأمورية محدش قاله لأنه كان مريض ومن الممكن لم يتحمل الخبر.. وتوفى والده بعديه بـ 42 يوم وحتى يوم وفاته مكنش يعرف أن أبنه مات".